جس ملک کی خاطر اسلامیانِ برصغیر نے قربانیاں دیں وہاں ظالمانہ نظام نافذ ہے،سراج الحق

محمد سلطان

15th Oct, 2021. 10:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جس ملک کی خاطر اسلامیانِ برصغیر نے قربانیاں دیں وہاں ظالمانہ نظام نافذ ہے،سراج الحق

امیر جماعت اسلامی سراج الحق نے کہا ہے کہ جس ملک کی خاطر اسلامیان بر صغیر نے قربانیاں دیں وہاں ظالمانہ نظام نافذ ہے۔

تفصیلات کے مطابق امیر جماعت اسلامی نے اپنے ایک بیان میں کہا کہ ملک پر 35سال جرنیلوں اور بقیہ عرصہ جرنیلوں کے پروردہ لوگوں نے حکومت کی،ا سٹیٹس کو کو بحال رکھنے کے لیے حکمران اشرافیہ ہمیشہ ایک پیج پر ہوتی ہے۔

سراج الحق کا کہنا تھا کہ شہزادوں سے نجات کا وقت آ گیا ہے۔

ان کا کہنا تھا کہ پی ٹی آئی نے قوم کے تین سال ضائع کیے، بجلی کی قیمت میں ڈیڑھ روپے فی یونٹ اضافہ ظلم ہے، پیٹرولیم مصنوعات کی قیمتوں میں پھر اضافہ کرنے جا رہی ہے۔

امیر جماعت اسلامی کا کہنا تھا کہ حکمران بے حس ہو چکے ہیں، نااہلیت اور غیر سنجیدگی حکومت کا ٹریڈ مارک ہے، پارلیمنٹ میں ایک قانون بھی عوام کے لیے نہیں بنا۔

سراج الحق کا کہنا تھا کہ معیشت کی تباہی کے بعد ملک کی نظریاتی اساس سے کھیلا جا رہا ہے۔

ان کا کہنا تھا کہ اسلامیان پاکستان کے دل عشقِ رسولؐ سے لبریز ہیں،ملک میں نظام مصطفیؐ کے نفاذ کے لیے عملی جدوجہد کا آغاز کیا جائے۔

امیر جماعت اسلامی سراج الحق کا مزید کہنا تھا کہ قوم جمہوری اور پرامن اسلامی انقلاب کے لیے جماعت اسلامی کا ساتھ دے۔