قومی کرکٹ ٹیم کے آل راؤنڈر شاداب خان نے ٹی ٹوئنٹی ورلڈ کپ سے قبل عوام سے سپورٹ کی اپیل کردی ہے۔

تفصیلات کے مطابق  قومی کرکٹ ٹیم کے آل راؤنڈر شاداب خان نے سماجی رابطے کی ویبسائٹ ٹویٹر پردبئی روانگی سے پہلے کی دو تصاویر شیئر کیں جن میں سے پہلی تصویر میں حسن علی، بابر اعظم اور شاداب خان کو دیکھا جاسکتا ہے۔

UAE here we come. Keep supporting your team, keep believing, your support and belief are our super powers. #PakistanZindabad pic.twitter.com/WwqUX1TANr

— Shadab Khan (@76Shadabkhan) October 15, 2021

ٹویٹر پر شیئر کی گئی دوسری تصویر میں ٹی ٹوئنٹی ورلڈ کپ کے لیے قومی کرکٹ ٹیم کا مکمل اسکواڈ موجود ہے۔

شاداب خان نے اپنے ٹوئٹ میں لکھا کہ ’متحدہ عرب امارات! ہم یہاں آگئے ہیں۔‘

شاداب خان کا کہنا تھا کہ اپنی ٹیم کو سپورٹ کرتے رہیں اور ٹیم کی پرفارمنس پر یقین رکھیں، آپ کا اعتماد اور سپورٹ ہماری سُپر پاورز ہیں۔

خیال رہے کہ گزشتہ روز قومی ٹیم ٹی ٹوئنٹی ورلڈ کپ میں شرکت کیلئے دبئی روانہ ہوگئی تھی۔

قومی ٹی ٹوئنٹی اسکواڈ کے کچھ ارکان کی فیملیز بھی اُن کے ساتھ گئی ہیں، بیٹنگ کنسلٹنٹ میتھیوہیڈن دبئی میں پاکستان ٹیم کو جوائن کریں گے جبکہ بولنگ کنسلٹنٹ ویرنن فلینڈر نے لاہور میں ٹیم کو جوائن کیا تھا۔

واضح رہے کہ بابراعظم کی قیادت میں پاکستان ٹیم 24 اکتوبر کو بھارت کے خلاف پہلا میچ کھیلے گی۔