حیدرآباد: صفائی ستھرائی کے ناقص انتظامات ،ڈینگی وائرس سر اٹھانے لگا

سعدیہ شمیم

12th Oct, 2021. 11:50 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حیدرآباد: صفائی ستھرائی کے ناقص انتظامات ،ڈینگی وائرس سر اٹھانے لگا

حیدرآباد میں صفائی ستھرائی کے ناقص انتظامات کی وجہ سے ڈینگی وائرس سر اٹھانے لگا ہے۔

تفصیلات کے مطابق ملک بھر میں ڈینگی کے حملوں میں دن بہ دن اضافہ دیکھا جا رہا ہے، تا زہ ترین اطلاعات کے مطابق حیدرآباد کے سول اسپتال میں ڈینگی کے 10 مریض زیرعلاج ہیں۔

سول اسپتال کی انتظامیہ کے مطابق ڈینگی نے 28 سالہ نوجوان خالد سمیع اللہ کی جان لے لی، نوجوان سول اسپتال کے ڈینگی وارڈ میں زیر علاج تھا۔

سول اسپتال کی انتظامیہ نے مزید بتایا کہ گزشتہ روز ڈینگی کے 16 مریض داخل تھے،جس میں8 مریض صحتیاب جبکہ ایک مریض ایکسپائر ہوگیاہے۔

سول اسپتال کی انتظامیہ کے مطابق رواں ماہ سول اسپتال میں ڈینگی وائرس کے 20 سے زائد کیسز سامنے آئے ہیں، ڈینگی میں مبتلا مریضوں کا تعلق حیدرآباد سمیت سندھ کے دیگر اضلاع سے ہے۔

واضح رہے کہ حیدرآباد میں ڈینگی سے رواں ماہ اموات کی تعداد 2 ہوگئی ہے۔

خیال رہے کہ پنجاب اور خیبر پختونخوا میں بھی ڈینگی کے مریضوں کی تعداد میں مسلسل اضافے کا سلسلہ جاری ہے۔