حکومت نے نالہ لئی ایکسپریس وے پر کام جلد شروع کرنے کا فیصلہ کر لیا ہے۔

تفصیلات کے مطابق وزیر اعظم عمران خان کی صدارت میں نالہ لئی ایکسپریس وے کے حوالے سے اہم اجلاس ہوا جس میں وفاقی وزیر داخلہ شیخ رشید ، وزیراعلیٰ پنجاب سردار عثمان بزدار ، وزیراعلیٰ پنجاب کے مشیر ڈاکٹر سلمان شاہ ، چیف سیکرٹری پنجاب، پارلیمانی سیکریٹری راشد شفیق نے شرکت کی جبکہ پنجاب سے متعلقہ دیگر اعلیٰ افسران نے بھی اجلاس میں ویڈیو لنک کے ذریعے شریک ہوئے۔

وزیراعظم کو بریفنگ دیتے ہوئے بتایا گیا کہ 17 کلومیٹر طویل نالہ لائی منصوبہ اسلام آباد کے آئی جے پی روڈ کو جی ٹی روڈ سے جوڑنے کے لیے ایک بہت مفید متبادل راستہ پیش کرے گا۔

بریفنگ دیتے ہوئے کہا گیا کہ منصوبے کے تحت نالہ لئی کے اوپر ایکسپریس وے اور اور اطراف میں ماررکیٹیں بنیں گی، لیاقت باغ کے قریب سرکاری اراضی کو کمرشمل بنیادوں پر فروخت کر کے رقم منصوبے ہر خرچ ہوگی۔

بریفنگ دیتے ہوئے مزید کہا گیا کہ200 ارب روپے سے زائد مالیت کا یہ منصوبہ جڑواں شہروں اسلام آباد اور راولپنڈی کو سیلاب سے بچائے گا جبکہ یہ ٹرنک سیوریج سسٹم بنا کر دونوں شہروں کے فضلے کو ٹھکانے لگانے کے مسائل کو بھی حل کرے گاْ۔

اجلاس کی صدارت کرتے ہوئے وزیراعظم عمران خان نے پنجاب حکومت کو نالہ لئی منصوبے پر جلد کام شروع کرنے کی ہدایت دی۔

وزیراعظم عمران خان نے کہا کہ متعلقہ حکام پبلک پرائیویٹ پارٹنرشپ ماڈل کو اپناتے ہوئے  اس اہم انفراسٹرکچر منصوبے کو جلد از جلد مکمل کریں، منصوبے کے آغاز میں مزید کوتاہی برداشت نہیں کریں گے۔

وزیراعظم عمران خان نے مزید کہا کہ یہ منصوبہ مقامی لوگوں کے لیے روزگار کے بہت سے مواقع پیدا کرے گا جبکہ یہ بہت سی تجارتی سرگرمیاں بھی پیدا کرے گا۔

 واضح رہے اس سے قبل وزیراعظم عمران خان سے بھی ڈنمارک کے وزیر خارجہ کی ملاقات ہوئی جس میں دونوں رہنماؤں نے ماحولیاتی تبدیلی سے متعلق امور پر گفتگو کی تھی جبکہ افغانستان میں امن کے حوالے سے بھی تبادکہ خیال کیا گیا تھا۔

ملاقات میں وزیراعظم عمران خان نے ڈنمارک کے وزیر خارجہ سے گفتگو کرتے ہوئے کہا تھا کہ افغانستان میں استحکام کے لیے سیاسی اسٹرکچر اہم ہے۔

وزیراعظم کا کہنا تھا کہ افغانستان اور استحکام کے لیے عالمی برادری کو اپنا کردار ادا کرنا ہوگا جبکہ افغانستان سی انسانی المیے سے بچنے کے لیے بھی عالمی برادری کردار ادا کرے۔

عمران خان نے دو طرفہ تعلقات پر اطمینان کا اظہار کرتے ہوئے کہا تھا کہ پاکستان ڈنمارک کے ساتھ تجارت، سرمایہ کاری اور متبادل انرجی سمیت مختلف شعبوں میں تعاون بڑھانا چاہتا ہے۔

 وزیراعظم عمران خان نے ماحولیاتی تبدیلی سے متعلق امور پر ڈنمارک کے وزیر خارجہ سے گفتگو کرتے ہوئے مزید کہا تھا کہ عالمی برادری کو ماحولیاتی تبدیلی سے نمٹنے کے لئے اقدامات کرنا ہوں گے