وزیر مملکت اطلاعات و نشریات فرخ حبیب نے کہا ہے کہ جہاں اختیار ہوگا وہاں احتساب بھی ہوگا۔

تفصیلات کے مطابق وزیر مملکت اطلاعات و نشریات فرخ حبیب نےا پنے ایک بیان میں کہا کہ نواز شریف اور شہباز شریف کو این آر او نہیں ملے گا، یہ لوگ اقتدار میں آکر لوٹ مار کرتے  ہیں۔

اپنے بیان میں وزیر مملکت اطلاعات و نشریات فرخ حبیب نے مزید کہا کہ نواز شریف اور شہباز شریف کے راستے میں صرف عمران خان کھڑے ہے اور عمران خان لندن میں محلات نہیں بنا رہے بلکہ وزیراعظم عمران خان دس ڈیم بنارہے ہیں جس سے 10 ہزار میگاواٹ بجلی پیدا ہوگی۔

واضح رہے اس سے قبل وزیر مملکت فرخ حبیب نے ورکرز کنونشن سے خطاب کرتے ہوئے کہا تھا کہ ہم نے وزیر اعظم سے یہ ہی سیکھا ہے کہ محنت لگن سے سب کچھ ممکن ہے۔

انہوں نے کہا  تھاکہ عمران خان نے کرکٹ کے میدان سے لیکر شوکت خانم اسپتال اور سیاسی میدان میں محنت سے ہی کامیابیاں حاصل کیں ، لوگ بڑی مخالفتیں کرتے رہے عمران خان ان مخالفتوں کے باوجود آگے بڑھتے گئے ، ہمارا مقصد پاکستان کو خوشحال بنانا ہے ، جب ہم آئے تب صرف 15 دن کا بیک اپ تھا ، ہر ادارہ کسارے کے ساتھ چل رہا تھا۔

 فرخ حبیب نے کہا  تھا کہ زرداری اور نواز شریف خاندان کے اپنے اثاثے بڑھ رہے تھے ملک کہ کم ہورہے تھے ، ان تین سالوں میں ہم نے اپوزیشن کے تمام تر حربے ناکام بنائے ، ہم لوگوں کو اپنی چھت دے رہے ہیں ، پاکستان کے بینکوں نے 60 ارب روپے کے قرضے منظور کرلیے ہیں ، یہ قرضے محدود وسائل والے لوگوں کو ملیں گے۔

وزیر مملکت فرخ حبیب کا مزید کہنا تھاکہ وزیر اعظم بیرون ملک اپنے فلائٹس نہیں بنا رہے بلکہ بیرون ملک سے پیسہ اپنے ملک لے کر آرہے ہیں ، ہر محدود وسائل والے کو 5 لاکھ روپے قرض آسان اقساط پر دیں گے۔