وزیر خزانہ شوکت ترین کی زیر صدارت اقتصادی رابطہ کمیٹی (ای سی سی) کا اجلاس کل ہوگا۔
تفصیلات کے مطابق وزیر خزانہ شوکت ترین کی زیر صدارت ای سی سی کے اجلاس میں 8 نکاتی ایجنڈے پر غور کیا جائے گا۔
ذرائع کے مطابق اجلاس میں ٹماٹر اور پیاز کی برآمد پر پابندی لگائے جانے کا امکان ہے۔ وزارت خوراک کی جانب سے برآمد پر پابندی کی سمری اجلاس میں پیش کی جائے گی۔
ذرائع نے بتایا ہے کہ اجلاس میں نیشنل ریمیٹنسز لائلٹی پروگرام کی سمری پیش کی جائے گی اور یوٹیلٹی اسٹورز کارپوریشن کیلئے گندم کی دستیابی پر غور کیا جائے گا۔
ذرائع نے مزید بتایا ہے کہ وزارت خوراک کی جانب سے کپاس کی قیمتوں کی تعین کیلئے بنائی گئی کمیٹی کی رپورٹ اجلاس میں پیش کی جائے گی، آزاد جموں و کشمیر کیلئے گندم کی فراہمی کی سمری بھی ایجنڈے کا حصہ ہے۔
Advertisement
اس کے علاوہ اجلاس میں چھوٹے ہائیڈرو پاور منصوبوں کیلئے پاور جنریشن پالیسی 2015 کے تحت سیکیورٹی معاہدے کی منظوری کا امکان ہے۔
واضح رہے کہ اجلاس میں مقامی سطح پر بننے والی کورونا کی تشخیص کی مشینوں پر ٹیکس اور ڈیوٹی کی چھوٹ دیئے جانے کا بھی امکان ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
