راولپنڈی میں ڈینگی بے قابو، 24 گھنٹوں میں مزید 83 شہری ڈینگی بخار میں مبتلا

سعدیہ شمیم

13th Oct, 2021. 11:52 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

راولپنڈی میں ڈینگی بے قابو، 24 گھنٹوں میں مزید 83 شہری ڈینگی بخار میں مبتلا

راولپنڈی میں ڈینگی بے قابو ہو گیا ہے ، گزشتہ 24 گھنٹوں میں مزید 83 شہری ڈینگی بخار میں مبتلا ہوچکے ہیں۔
تفصیلات کے مطابق راولپنڈی ڈینگی مچھر سے سب سے زیادہ متاثر ہونے والا ضلع بن چکا ہے، گزشتہ 24 گھنٹوں میں مزید 83 شہری ڈینگی بخار میں مبتلا ہوچکے ہیں۔
ذرائع کے مطابق ملک بھر میں ڈینگی کے حملوں میں دن بہ دن اضافہ دیکھا جا رہا ہے ،تا زہ ترین اطلاعات کے مطابق راولپنڈی میں مجموعی مریضوں کی تعداد 888 ہوگئی جبکہ ہولی فیملی میں54، بینظیر بھٹواستپال میں 22 مریض لائے گئے، ڈی ایچ کیو میں بھی 7 مریض داخل ہوئے ہیں۔

واضح رہے کہ گزشتہ روز اسلام آباد کے شہری علاقوں میں ڈینگی کے 19 کیس رپورٹ ہوئے، اسلام آباد کے شہری علاقوں میں اب تک کُل 466 افراد ڈینگی سے متاثر ہوچکے ہیں۔

دوسری جانب 24 گھنٹوں کے دوران خیبر پختونخوا میں بھی ڈینگی کے مزید 198 مریض سامنے آئے جبکہ لاہور اور گردونواح میں ڈینگی کیسز میں تیزی سے اضافہ ہوتا جارہا ہے۔