والد کے اسپتال بنانے کے خواب کو پورا کرنا چاہتا ہوں، جواد عمر

کلثوم ہرا

08th Oct, 2021. 10:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

والد کے اسپتال بنانے کے خواب کو پورا کرنا چاہتا ہوں، جواد عمر

پاکستان کے لیجنڈری کامیڈین عمر شریف مرحوم کے صاحبزادے جواد عمر نے کہا ہے کہ اپنے والد کے اسپتال بنانے کے خواب کو پورا کرنا چاہتے ہوں، حکومت اس معاملے میں مدد کرے۔

عمر شریف کے صاحبزادے جواد عمر نے کہا کہ میرے والد کو جس اعزاز کے ساتھ سب نے رخصت کیا اس پر شکر گزار ہوں۔

عمر شریف مرحوم کا سوئم کراچی میں ہوا، جس میں اُن کے عزیز و اقارب، دوست احباب، رشتے دار، سیاسی و سماجی شخصیات نے شرکت کی تھی۔

واضح رہے کہ شدید علالت کے بعد گزشتہ دنوں لیجنڈری اداکار و کامیڈین عمر شریف جرمنی کے اسپتال میں انتقال کر گئے۔

عمر شریف کافی عرصے سے عارضہ قلب، گردے اور دیگر مختلف بیماریوں میں مبتلا تھے۔

یاد رہے کہ عمر شریف نے اپنے کیریئر کا آغاز 1974ء میں 14سال کی عمر میں اسٹیج اداکاری سے کیا تھا اور ناصرف ملک میں بلکہ سرحد پار بھی بہت مقبولیت حاصل کی، 1980ء میں پہلی مرتبہ آڈیو کیسٹ پر اپنے ڈرامے ریلیز کیے تھے۔

انہوں نے تقریباً 5 دہائیوں تک شوبز میں کام کیا ہے اور درجنوں، ڈراموں، اسٹیج تھیٹرز اور لائیو پروگرامز میں پرفارم کیا۔