قبضہ مافیا کے خلاف اینٹی کرپشن کی تاریخ کا بڑا آپریشن، اربوں روپےکی اراضی واگزار

سعدیہ شمیم

07th Oct, 2021. 12:22 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

قبضہ مافیا کے خلاف اینٹی کرپشن کی تاریخ کا بڑا آپریشن، اربوں روپےکی اراضی واگزار

میو اسپتال کا اسٹینوگرافرکروڑوں کی کرپشن میں ملوث نکلا

قبضہ مافیا کے خلاف اینٹی کرپشن نےتاریخ کا سب سے بڑا آپریشن کیااور اربوں روپے کی سرکاری اراضی واگزار کروالی گئی۔
تفصیلات کے مطابق قبضہ مافیا کے خلاف اینٹی کرپشن پنجاب کی سربراہی میں محکمہ مال اور پولیس نے بڑا کریک ڈاؤن کیا گیا ہے، اینٹی کرپشن کی سورس رپورٹ پراربوں روپے کی سرکاری اراضی واگزارکرائی گئی ہے۔
اینٹی کرپشن حکام نے اس حوالے سے بتایا کہ محکمہ لائیواسٹاک کی بریڈنگ اسکیم کے لئے مختص ہزاروں ایکڑ اراضی سالوں سے قبضہ مافیا کے زیر استعمال میں تھی،جس کی مالیت 2 ارب 30 کروڑ 91 لاکھ روپے ہے۔
جبکہ دوسری کارروائی اینٹی کرپشن ملتان کی سربراہی میں محکمہ مال اور پولیس نے 1389 ایکڑ رقبہ واگزار کرا لیا ہے۔
ڈی جی جی اینٹی کرپشن پنجاب کا کہنا تھا کہ لائیو اسٹاک بریڈنگ اسکیم کے لئے مختص تقریبا دو ہزار ایکڑسرکاری اراضی پر با اثر قبضہ گروپس سالوں سے مسلط تھے جبکہ سات ہزار ایکڑ اراضی کی واگزاری کے لئے اینٹی کرپشن کی سربراہی میں محکمہ مال اور پولیس کی بھاری نفری کا آپریشن جاری ہے۔

ڈی جی اینٹی کرپشن پنجاب محمد گوہر نفیس نے بتایا کہ قابضین اور محکمہ مال کے افسران کے خلاف تین مقدمات تھانہ اینٹی کرپشن ملتان میں درج کر لئے گئے ہیں، باقی ماندہ اراضی کی واگزاری کے لئے قبضہ مافیا کے خلاف آپریشن جاری ہے۔
ڈی جی اینٹی کرپشن نے مزیدبتایا کہ اب تک واگزار شدہ اراضی محکمہ مال کے سپرد کردی گئی ہے جبکہ پنجاب بھر میں قبضہ مافیا کے خلاف بلا امتیاز کاروائیاں جاری ہیں۔