پرائمری اینڈسکینڈری ہیلتھ کیئر ڈیپارٹمنٹ کے سیکرٹری عمران سکندر بلوچ نے کہا ہے کہ صرف ویکسینیشن ہی کورونا وائرس  کے خلاف واحد اور موثر علاج ہے۔

تفصیلات کے مطابق پرائمری اینڈسکینڈری ہیلتھ کیئر ڈیپارٹمنٹ کے سیکرٹری عمران سکندر بلوچ کا کہنا ہے کہ پنجاب میں کورونا وائرس کے کیسز میں کمی ہوئی ہے، کورونا کیسز میں اضافہ کے  پیشِ نظر مختلف سیکٹرز کے  اسپیشل ایس او پیز جاری کر دئیے ہیں-

پرائمری اینڈسکینڈری ہیلتھ کیئر ڈیپارٹمنٹ کے سیکرٹری عمران سکندر بلوچ کا کہنا ہے کہ تمام شہری خاص طور پر کورونا کی  مکمل احتیاط ملحوظ خاطر رکھیں، صرف اور صرف  ویکسینیشن ہی کورونا وائرس  کے  خلاف  واحد اور موثر علاج ہے، 12 سال سے زیادہ عمر  کے تمام افراد کا فوری طور پر ویکسین لگوانا ناگزیر ہے۔

پرائمری اینڈسکینڈری ہیلتھ کیئر ڈیپارٹمنٹ کے سیکرٹری عمران سکندر بلوچ نے کہا ہے کہ گزشتہ 24 گھنٹوں کے دوران صوبہ بھر سے 508 نئے کیسز رپورٹ ہوئے ہیں جس سے صوبہ بھر میں کورونا کے کیسز کی ٹوٹل تعداد 434,661 ہو گئی ہے، اب تک صوبہ بھر میں407,350 مریض مکمل طور پر صحت یاب ہو چکے ہیں اور گزشتہ 24 گھنٹوں کے دوران 18,304 ٹیسٹ کئے گئے ہیں، صوبہ بھر میں اب تک مجموعی طور پر 7,493,368 ٹیسٹ کیے جا چکے ہیں۔

پرائمری اینڈسکینڈری ہیلتھ کیئر ڈیپارٹمنٹ کے سیکرٹری عمران سکندر بلوچ کا کہنا ہے کہ  گزشتہ روز صوبہ بھر کے تمام شہروں میں کورونا کی مجموعی مثبت شرح 2.8 فیصد ریکارڈ کی گئی ہے، لاہور میں مثبت شرح 5.2 فیصد ریکارڑ کی گئی ہے،اولپنڈی 1.9 فیصد اور فیصل آباد میں 2.8 فیصد، ملتان میں 2.9 فیصد اور گوجرانوالہ میں 2.4 فیصد مثبت شرح ریکارڈ کی گئی ہے۔

پرائمری اینڈسکینڈری ہیلتھ کیئر ڈیپارٹمنٹ کے سیکرٹری عمران سکندر بلوچ نے کہا ہے کہ شہری کورونا کے خلاف خصوصی حفاظتی تدابیر اختیار کرکے خود کو محفوظ بنائیں، بلاضرورت گھر سے باہر نکلنے اور پر ہجوم اجتماعات  سے مکمل اجتناب کریں، سماجی فاصلہ برقرار رکھیں اور ماسک کا استعمال لازمی کریں۔