گورنرسندھ عمران اسماعیل کا کہنا ہے کہ موجودہ حکومت ملک بھر میں کھیلوں کی سرگرمیوں کو فروغ دینے کے لیے پرعزم ہے۔

تفصیلات کے مطابق گورنرسندھ عمران اسماعیل نے آل پاکستان الفا ڈاج بال ٹورنامنٹ کی اختتامی تقریب سے خطاب کرتے ہوئے کہا کہ یہ پہلا ٹورنامنٹ تھا جس میں آزاد کشمیر کی ٹیم سمیت پورے پاکستان سے آٹھ ٹیمیں شامل تھیں۔

 اس موقع پر رکن سندھ اسمبلی خواجہ اظہار، ٹورنامنٹ آرگنائزر صائمہ رضا سمیت اور دیگر بھی موجود تھے، تقریب کا انعقاد الفا کالج کیمپس پی ای سی ایچ ایس سوسائٹی میں کیا گیا تھا۔

انہوں نے کہا ہے کہ موجودہ حکومت ملک بھر میں کھیلوں کی سرگرمیوں کو فروغ دینے کے لیے پرعزم ہے، کھیل کسی بھی قوم کی ترقی میں اہم کردار ادا کرتے ہیں، کھیل معاشرے میں مثبت تبدیلیاں لاتے ہیں۔

عمران اسماعیل نے کہا کہ عملی زندگی میں چیلنجز کا سامنا کرنے کے لئے کھیل ماحول فراہم کرتے ہیں، کھیل کسی بھی قوم کی ترقی میں اہم کردار ادا کرتے ہیں، کھیلوں سے نظم و ضبط، یکجہتی اور ٹیم ورک کے جذبے کو فروغ ملتا ہے۔

گورنرسندھ کا کہنا ہے کہ اسپورٹس ایسوسی ایشنز اور پرائیویٹ سیکٹر کو آگے آنا چاہیے اور کھیلوں کی سرگرمیوں کا اہتمام کرنا چاہیے، نوجوانوں کو اپنی صلاحیتوں کو ظاہر کرنے اور صحت مند طرز زندگی اپنانے کے لیے اس طرح کے پلیٹ فارم ضرورت ہے۔

واضح رہے کہ اس تقریب میں گورنرسندھ نے فاتح ٹیم کے کھلاڑیوں میں گولڈ میڈل بھی تقسیم کیے ہیں۔