نور مقدم قتل کیس، ملزم کے والدین نے ضمانت کے لیے سپریم کورٹ سے رجوع کر لیا

انوشہ شیخ

06th Oct, 2021. 11:33 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نور مقدم قتل کیس، ملزم کے والدین نے ضمانت کے لیے سپریم کورٹ سے رجوع کر لیا

نور مقدم قتل کیس میں ملزم ظاہر جعفر کے والدین نے ضمانت کے لیے سپریم کورٹ سے رجوع کر لیا ہے۔

تفصیلات کے مطابق ذاکر جعفر اور والدہ عصمت ذاکر نے اسلام آباد ہائیکورٹ کے فیصلے کے خلاف اپیل دائر کی ہے، اپیل ایڈووکیٹ خواجہ حارث کی جانب سے دائر کی گئی ہے۔

یاد رہےکہ اسلام آباد ہائیکورٹ نے ملزمان کی ضمانت کی درخواستیں خارج کر دی تھی۔

استدعا کے مطابق اسلام آباد ہائیکورٹ کا فیصلہ کالعدم قرار دیکر ضمانت منظور کی جائے، خواجہ حارث نے دونوں ملزمان کی الگ الگ ضمانت درخواستیں دائر کی ہیں۔

واضح رہے کہ 20 جولائی کی شام اسلام آباد کے سیکٹر ایف سیون میں سابق سفیر شوکت مقدم کی صاحبزادی نور مقدم کا بے دردی سے قتل کر دیا گیا تھا، جس کے بعد ملزم کو موقع سے حراست میں لے لیا گیا تھا۔

ملزم ظاہر جعفر مشہور بزنس مین ذاکر جعفر کے صاحبزادے ہیں، جو جعفر گروپ آف کمپنیز کے مالک ہیں۔

پولیس نے جرم کی اعانت اور شواہد چھپانے کے جرم میں ملزم کے والدین ذاکر جعفر اور ان کی اہلیہ عصمت آدم جی سمیت دو گھریلو ملازمین کو بھی تفتیش کے لیے حراست میں لیا تھا۔