پاکستان پریمیئر فٹ بال لیگ، سوئی سدرن گیس کمپنی نے دفاعی چیمپئین کے آر ایل کو ہرا دیا

زاہد فاروق ملک

22nd Oct, 2021. 09:34 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان پریمیئر فٹ بال لیگ، سوئی سدرن گیس کمپنی نے دفاعی چیمپئین کے آر ایل کو ہرا دیا

13 ویں پاکستان پریمیئر فٹ بال لیگ میں سوئی سدرن گیس کمپنی نے دفاعی چیمپئین کے آر ایل کو 3ـ0 گول سے ہرا دیا جبکہ پاکستان واپڈا اور پاکستان آرمی کی ٹیموں کے درمیان میچ 1ـ1 گول سے برابر رہا۔

تفصیلات کے مطابق میونسپل ا سٹیڈیم راولپنڈی میں جاری لیگ کے کھیلے گئے پہلے میچ میں سوئی سدرن گیس کمپنی نے دفاعی چمپئن کے آر ایل کو 3ـ0 گول سے ہرا دیا، وقفے تک سوئی سدرن گیس کمپنی کو دفاعی چمپئن کے آر ایل کے خلاف 2ـ0 گول سے برتری حاصل تھی۔

دوسرے ہاف میں سوئی سدرن گیس کمپنی نے مزید ایک گول کرکے مقابلہ3ـ0 گول سے جیت لیا ،فاتح ٹیم کی جانب سے سعد اللہ نے دو گول اور محمد طاہر نے ایک گول کیا۔

دوسرا کھیلا گیا میچ پاکستان واپڈا اور پاکستان آرمی کی ٹیموں کے درمیان 1ـ1 گول سے برابر رہا۔

وقفے تک پاکستان آرمی کو پاکستان واپڈا کے خلاف ایک گول کی برتری حاصل تھی دوسرے ہاف میں پاکستان واپڈا نے گول کرکے مقابلہ 1ـ1 گول سے برابر کردیا۔