آریان کی گرفتاری کے وقت پارٹی میں معروف اداکار کی بیٹی بھی موجود تھی؛ تہلکہ خیز انکشاف ہوگیا

اریبہ نثار

06th Oct, 2021. 09:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آریان کی گرفتاری کے وقت پارٹی میں معروف اداکار کی بیٹی بھی موجود تھی؛ تہلکہ خیز انکشاف ہوگیا

بالی ووڈ کے معروف اداکار شاہ رخ خان کے بیٹے آریان خان کی گرفتاری کے وقت کروز شپ پر ایک اور نامور اداکار کی بیٹی کی موجودگی کا انکشاف ہو گیا۔

غیر ملکی خبر رساں ادارے کے مطابق گزشتہ دنوں بھارتی ایجنسی نارکوٹکس کنٹرول بیورو (این سی بی) نے کروز شپ پر چھاپہ مار کر آریان خان کو گرفتار کیا تھا۔

اداکارہ شاہ رخ خان کے بیٹے آریان خان اس وقت ریمانڈ پر این سی بی کی حراست میں ہیں اور ان سے مسلسل تفتیش کی جارہی ہے۔

تاہم ایک اہم انکشاف کیا گیا ہے کہ جس وقت آریان کو گرفتار کیا گیا اُس وقت ایک اور بڑے اداکار کی بیٹی بھی وہیں موجود تھیں۔

کئی روز گزرنے کے باوجود بالی وڈ اداکار اور ان کی بیٹی کی شناخت سامنے نہیں آئی ہے۔

اداکار کی بیٹی کو حراست میں نہیں لیا گیا تاہم یہ بھی واضح نہیں کہ انہیں شامل تفتیش کیا گیا ہے کہ نہیں۔

واضح رہے کہ آریان خان کو 3 اکتوبر کو منشیات کے کیس میں گرفتار کیا گیا تھا اور 4 اکتوبر کو انہیں عدالت میں پیش کیا گیا جہاں عدالت نے آریان کو 7 اکتوبر تک نارکوٹکس کنٹرول بیورو کے حوالے کیا ہے۔