وزیر اعلیٰ خیبرپختونخوا محمود خان آج ضلع بونیر کا دورہ کریں گے۔

تفصیلات کے مطابق وزیر اعلیٰ خیبرپختونخوا محمود خان سواڑی میں شمولیتی جلسے سے خطاب کریں گے۔

ذرائع کے مطابق ن لیگ کے سنئیر رہنما، ضلعی صدر بونیر حاجی سرزمین خان اور سابق امیدوار قومی اسمبلی کامران خان سینکڑوں ساتھیوں سمیت پی ٹی آئی میں شمولیت کا اعلان کریں گے۔

واضح رہے کہ اس سے قبل وزیر اعلیٰ خیبرپختونخوا محمود خان نے سوات آف انجینئرنگ اور پیڈز اسپتال کا سنگ بنیاد رکھا تھا۔ یہ منصوبہ تین سال کے عرصے میں مکمل کیا جائے گا، یونیورسٹی میں یکم جون 2023 تک کلاسوں کا اجراء متوقع ہے۔

ذرائع کے مطابق ابتدائی طور پر یونیورسٹی میں سول انجینئرنگ، ہائیڈرو پاور انجینئرنگ، بائیو میڈیکل انجینئرنگ اور کمپیوٹر سسٹم انجینئرنگ کے شعبے قائم ہوں گے اور یونیورسٹی میں کلائمیٹ چینج سینٹر کے علاوہ انسٹیٹیوٹ آف مینوفیکچرنگ بھی قائم کیا جائے گا۔

اس کے علاوہ یونیورسٹی ایک میں مین کیمپیس اور تین سب کیمپیسز پر مشتمل ہوگا، 300 بستروں پر مشتمل پیڈز ہاسپٹل کا منصوبہ جون 2024 میں مکمل کیا جائے گا، پیڈز ہاسپٹل مین بلڈنگ کے علاوہ ڈاکٹر ہاسٹل، نرسنگ ہاسٹل اور دیگر ضروری انفراسٹرکچر پر مشتمل ہوگا۔

خیال رہے کہ ہاسپٹل میں او پی ڈی، ریڈیالوجی ، پیتھالجی، ایکسیڈنٹ اینڈ ایمرجنسی، فارمیسی، پیڈیاٹرک سرجری کے علاوہ اور دیگر مختلف شعبوں پر مشتمل ہوگا۔

 وزیر اعلیٰ خیبرپختونخوا محمود خان نے ریسکیو 1122 اسٹیشن کبل کا بھی افتتاح کیا تھا۔