ترجمان مشیر خزانہ مزمل اسلم نے احسن اقبال کی پریس کانفرنس پر ردعمل کا اظہار کرتے ہوئے کہا ہے کہ ملکی معیشت اور بیرونی قرضوں کے حوالے سے پریس کانفرنس گمراہ کن ہے۔
ترجمان وزارت خزانہ نے کہا کہ کورونا 2020 چیلنج کے باوجود پاکستان میں پہلی بار شرح نمو کی تناسب سے بیرونی قرضوں میں 15 فیصد کمی ہوئی، جون 2020 میں بیرونی قرض 107 فیصد پر تھے جو اب کم ہو کر 93 فیصد پر آگئے ہیں۔
یہ بھی پڑھیں: ‘عمران خان بتائیں انِہوں نے سولہ ہزار ارب کا قرض لیا ہے وہ کہاں گیا’
مزمل اسلم کا کہنا ہے کہ پی ٹی آئی حکومت پاکستانی تاریخ کی واحد حکومت ہے جس میں بیرونی قرضوں کی شرح سب سے کم ترین ہے، پہلے تین سالوں میں پی ٹی آئی حکومت نے 9.9 ارب ڈالر کے بیرونی قرض لئے ہیں، جبکہ ن لیگ نے 5 سالوں میں 22.50 ارب ڈالر کے بیرونی قرض لئے، فرق واضح ہے۔
ترجمان وزارت خزانہ نے کہا کہ فی کس قرض کے ساتھ ساتھ فی کس آمدن کو بھی دیکھا جاتا ہے، لیکن احسن اقبال صرف فی کس قرض پر زور دیتے رہے ہیں، 2018میں فی کس قرض ایک لاکھ 44 ہزار تھا جبکہ فی کس آمدن ایک لاکھ 80 ہزار روپے تھی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
