آئی فون میں چھپا ہوا انتہائی متنازعہ ترین فیچر سامنے آگیا

کلثوم ہرا

05th Nov, 2021. 08:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئی فون میں چھپا ہوا انتہائی متنازعہ ترین فیچر سامنے آگیا

برطانوی اداکارہ الزبتھ ہینسریج نے آئی فون میں انتہائی متنازعہ ترین فیچر کا سراغ لگا لیا۔

میل آن لائن کے مطابق الزبتھ نے بتایا ہے کہ آئی فونز میں Live Listen نامی ایک فیچر پایا جاتا ہے جو صارفین کی گفتگو اس وقت بھی سن سکتا ہے جب آپ فون استعمال نہ کر رہے ہوں۔

الزبتھ کا کہنا ہے کہ آئی فون کے اس فیچر کے ذریعے صارفین کی جاسوسی کی جا سکتی ہے اور ان کی گفتگو بھی سنی جا سکتی ہے۔

ٹک ٹاک پر پوسٹ کی گئی ایک ویڈیو میں الزبتھ نے بتایا کہ بنیادی طور پر اب ہم سب جاسوس ہیں۔

ایپل کی ویب سائٹ پر اس فیچر کے متعلق بتایا گیا ہے کہ یہ فیچر صارفین کو شور والے کمرے میں گفتگو سننے میں مدد دیتا ہے یا پھر صارفین اس فیچر کے ذریعے کمرے میں ہونے والی کسی بھی گفتگو کو سن سکتے ہیں۔

یہ فیچر آئی فون یا آئی پیڈ کو ریموٹ مائیکروفون میں تبدیل کر دیتا ہے اس کے بعد کمرے میں اس آئی فون یا آئی پیڈ سے 15 میٹر کے فاصلے تک جو گفتگو ہورہی ہوگی وہ اسے صارفین کے آئی فون ہیئرنگ ایڈ میں منتقل کر دے گا جہاں سے صارف اس گفتگو کو سن سکے گا۔

واضح رہے کہ اس فیچر کو آن یا آف کرنے کے لئے آپ کو سیٹنگز میں جا کر Accessibility کے آپشن میں جانا ہو گا اور وہاں سے ایم ایف آئی ہیئرنگ ڈیوائسز کا آپشن منتخب کرنا ہوگا۔