تفصیلات کے مطابق کورونا وائرس کے نئے ویرئینٹ اومیکرون کے خطرے کے پیش نظر ایشز سیریزکے شیڈول میں تبدیلی کا امکان ظاہر کیا گیا ہے۔

بین الاقوامی میڈیا کی خبروں کے مطابق آسٹریلین کرکٹ بورڈ کے حکام ایشز سیریز کے پانچویں ٹیسٹ کو پنک بال ٹیسٹ میچ میں تبدیل کرنے کا ارادہ رکھتے ہیں۔

اس ممکنہ تبدیلی کے حوالے سے سابق فاسٹ باؤلر مچل جانسن کا کہنا ہے کہ اس تبدیلی کا زیادہ فائدہ انگلینڈ کی کرکٹ ٹیم کو ہو گا۔

مچل جانسن کا کہنا ہے کہ پنک بال ٹیسٹ کے حوالے کافی فکر مند ہوں اور یہ ایشز سیریز ماضی کی ایشز سیریز سے مختلف ہوگی۔

مچل جانسن نے کہا کہ انگلش فاسٹ باؤلرز روایتی طور پر آسٹریلین ساختہ کوکا بورا گیند سے اچھی باؤلنگ نہیں کرتے، اور کوکا بورا کی سرخ گیند سوئنگ بھی کم ہوتی ہے۔ جبکہ پنک بال میں سوئنگ کی صلاحیت زیادہ ہے۔

مچل جانسن کے مطابق اگر سیریز کے دوران ایک اور ٹیسٹ میچ پنک بال ٹیسٹ میں تبدیل کیا گیا تو یہ انگلش باؤلرز کے لئے سنہری موقع ہو گا کہ اپنی صلاحیتوں کا بھرپور اظہار کر سکیں۔

سابق فاسٹ باؤلرنے کہا کہ ماضی میں آسٹریلیا نے کھیلے جانے تمام 8 پنک بال ٹیسٹ میچز میں فتوحات حاصل کی ہیں مگر اس مرتبہ انگلینڈ کو ایج حاصل ہے۔

مچل جانسن کے مطابق میلبورن اور سڈنی میں انگلینڈ کا آسٹریلیا کے خلاف ریکارڈ بہت اچھا ہے۔ اس لئے مجھے لگتا ہے کہ اس مرتبہ ایشز سیریز کے نتائج کافی دلچسپ ہوں گے۔