وفاقی وزير برائے اقتصادی امور عمر ایوب خان کی زیر صدارت اقتصادی رابطہ کمیٹی (ای سی سی) کا اجلاس آج ہوگا۔
تفصیلات کے مطابق ای سی سی اجلاس میں 15 نکاتی ایجنڈا زیر غور آئے گا اور مشروبات پر نیا ٹیکس لگانے کی تجویز بھی زیر غور آئے گی۔
ذرائع کے مطابق اجلاس میں مضر صحت میٹھے مشروبات اور تمباکو پر ٹیکس لگانے کی تجویز ہے، کھاد کے کارخانوں کیلئے لیٹ پی منٹ سرچارج کی سمری زیر غور آئے گی۔
ذرائع نے بتایا ہے کہ اجلاس میں پاور ڈویژن کے اخراجات کیلئے 3کروڑ روپے کی سپلیمنٹری گرانٹ زیر غور آئے گی اور بجلی کی تقسیم کار کمپنیوں کیلئے فیول ایڈجسٹمنٹ کی سمری بھی زیر غور آئے گی۔
ذرائع کا کہنا ہے کہ اجلاس میں ملک میں گندم کے دستیاب ذخائر اور طلب پر بھی غور ہوگا، گندم کی درآمد سے متعلق چھٹا ٹینڈر کھولنے کی منظوری دی جائے گی اور افغانستان کو گندم کی فراہمی کی سمری بھی پیش کی جائے گی۔
اجلاس میں پاک فضائیہ کے اہلکاروں کیلئے سیکورٹی ڈیوٹی الاؤنس کی سمری زیر غور آئے گی اور احساس ایمرجنسی کیش پروگرام کے دوسرے مرحلے کی منظوری دی جائے گی۔
ذرائع نے بتایا ہے کہ پاکستان ایمرجنسی ہیلپ لائن کیلئے تکنیکی سپلیمنٹری گرانٹ کی منظوری متوقع ہے اور کے پی کے تیل و گیس نکالنے والے اضلاع میں گیس نیٹ ورک کی بحالی کی منظوری بھی متوقع ہے۔
واضح رہے کہ اقتصادی رابطہ کمیٹی کے اجلاس میں اسٹریٹجک اسٹیٹ پالیسی فریم ورک پر غور کیا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News