ٹی ٹوئنٹی ورلڈکپ،آسٹریلیا نے با آسانی ویسٹ انڈیز کو شکست دے دی

محمد سلطان

06th Nov, 2021. 06:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹی ٹوئنٹی ورلڈکپ،آسٹریلیا نے با آسانی ویسٹ انڈیز کو شکست دے دی

ٹی ٹوئنٹی ورلڈکپ کے سپر 12 مرحلے میں آسٹریلیا نے ویسٹ انڈیز کو با آسانی 8 وکٹوں سے شکست دے دی ہے۔

تفصیلات کے مطابق ابو ظہبی میں کھیلے گئے اس میچ میں آسٹریلیا نے ٹاس جیت کر پہلے باؤلنگ کا فیصلہ کیا۔

ویسٹ انڈیز نے پہلے کھیلتے ہوئے مقررہ 20 اوورز میں 7 وکٹوں کے نقصان پر 157 رنز بنائے۔

کپتان کیرن پولارڈ 44 رنز بنا کر نمایاں بیٹسمین رہے،ہیٹمائر 27،ایون لیوس 29 جبکہ رسل 18 رنز بنا کر ناقابل شکست رہے۔

آسٹریلیا کی جانب سے جوش ہزلی ووڈ نے 4 وکٹیں حاصل کیں جبکہ مچل اسٹارک،پیٹ کمنس اور ایڈم زمپا نے 1،1 وکٹ حاصل کی۔

ویسٹ انڈیز کی جانب سے دیا گیا 158 رنز کا ہدف آسٹریلیا نے 17 ویں اوور میں دو وکٹوں کے نقصان پر حاصل کر لیا۔

آسٹریلیا کی جانب سے ڈیوڈ وارنر 89 رنز کی اننگ کھیل کر ناقابل شکست رہے ،ان کی اننگ میں 9 چوکے اور 4 چھکے شامل تھے،مچل مارش 53 جبکہ کپتان ایرن فنچ 9 رنز بنا سکے۔

ویسٹ انڈیز کی جانب سے اکیل حسین اور کرس گیل نے 1،1 وکٹ حاصل کی۔

ڈیوڈ وارنر کو 89 رنز کی جارحانہ اننگ کھیلنے پر مین آف دی میچ کا ایوارڈ دیا گیا۔