ڈھاکا میں بنگلادیش کے خلاف پہلے ٹی ٹوئنٹی میچ کے مین آف دی میچ حسن علی نے ایوارڈ کو ٹی ٹوئنٹی ورلڈ کپ میں بھرپور سپورٹ کرنے والے فینز کے نام کیا ہے۔

تفصیلات کے مطابق پاکستان کرکٹ بورڈ(پی سی بی) کے تصدیو شدہ  ٹویٹر اکاؤنٹ پر  پی سی بی نے حسن علی کی ویڈو شیئر کی ہے جس میں ان کا کہنا تھا کہ  کرکٹ میں کھلاڑیوں کی کارکردگی میں اتار چڑھاؤ آتے ہیں، ورلڈ کپ میں اُن کی کارکردگی اچھی نہیں رہی۔

Player of the Match Hasan Ali reflects on his performance in the first #BANvPAK T20I#HarHaalMainCricket pic.twitter.com/ln6yRZj7GH

— Pakistan Cricket (@TheRealPCB) November 19, 2021

حسن علی کا کہنا تھا کہ ورلڈ کپ میں کوشش تھی کہ 100فیصد کارکردگی دکھاؤں، وہاں نو بال کا معاملہ بھی رہا، رنز بھی زیادہ دیے اور زیادہ آؤٹ بھی نہ کرسکا۔

پاکستانی فاسٹ بولر نے یہ بھی کہا کہ بنگلادیش اپنے گراؤنڈ پر ایک مضبوط ٹیم بن کر آتی ہے، یہاں پہنچ کر خامیاں دور کرنے کے لیے محنت کی۔

اُن کا کہنا تھا کہ کنڈیشن مشکل تھیں خوشی ہے، مڈل آڈر نے گیم کامیابی سے اختتام تک پہنچایا، پاکستان ٹیم کا ہر میچ میں مین آف دی میچ ایک الگ کھلاڑی ہوتا ہے جو اچھی بات ہے۔

حسن علی نے کہا کہ الگ الگ مین آف دی میچ سے یہ ثابت ہوتا ہے ٹیم کسی ایک کھلاڑی پر انحصار نہیں کرتی۔

واضح رہے کہ حسن علی نے بنگلادیش کے خلاف پہلے ٹی ٹوئنٹی میچ میں 4 اووز میں22 رنز کے عوض 3 وکٹیں اپنے نام کیں، انہیں عمدہ پرفارمنس پر میچ کا بہترین کھلاڑی قرار دیا گیا۔