نیر بخاری نے کہا ہے کہ بلاول بھٹو نے عالمی اور قومی سطع پر مدبر کا لوہا منوایا ہے۔

پاکستان پیپلز پارٹی کے سیکرٹری جنرل نیر حسین بخاری نے سعید غنی کے ہمراہ پریس کانفرنس کرتے ہوئے کہا کہ یوم تاسیس ملک میں غریب کی آواز اور شعور کے آغاز کا دن ہے۔

انہوں نے کہا کہ پیپلز پارٹی نے محروم و محکوم طبقات کو سر اٹھا کر جینے کا حوصلہ دیا جبکہ بانی چیئرمین پیپلز پارٹی زولفقارعلی بھٹو نے لوگوں کو زبان دی۔

نیر حسین بخاری کا کہنا تھا کہ فرد واحد کی بجائے شراکت اقتدار کی بنیاد پی پی پی نے رکھی۔

پاکستان پیپلز پارٹی کے سیکرٹری جنرل نیر حسین بخاری کا مزید کہنا تھا کہ چیئرمین بلاول بھٹو نے عالمی اور قومی سطع پر مدبر کا لوہا منوایا ہے جبکہ قومی اور عوامی خدمات پر بانی چیئرمین زولفقار علی بھٹو شہید کو قائد عوام کا خطاب ملا۔

اس موقع پر وزیر اطلاعات سندھ سعید غنی نے پریس کانفرنس کرتے ہوئے کہا کہ2002 سے 2018 تک کراچی میں پیپلز پارٹی اور مضبوط ہوگئی ہے۔

انہوں نے کہا کہ بی ار ٹی چل رہی تھی لیکن سڑکوں پر بہت رش تھا، کراچی گزشتہ کئی دہائیوں سے دہشت گردی کا شکار رہی لیکن کراچی میں امن و امان کی صورتحال اب بہت بہتر ہے۔

وزیر اطلاعات سندھ نے کہا کہکراچی میں لوگ پیپلز پارٹی سے مطمئن ہے، تحریک انصاف والے جھوٹ بول رہے ہیں۔

سعید غنی کا کہنا تھا کہ ہر بحران کی ذمہ دار یہ حکومت سندھ کو ٹہرا رہی ہے جبکہ چینی، گندم، اور پٹرول بحران انکی حکومت کی وجہ سے ہے۔

انہوں نے کہا کہ چینی کی قیمت میں اضافے پر بتایا گیا کہ سندھ میں3شوگر ملز کی کرشنگ روک دی گئی ہے، جلد یوریا کا بحران بھی آنے والا ہے،عمران خان بتائیں کہ انکا ذریعہ معاش کیا ہے۔