ہرنائی میں مسلح افراد کی فائرنگ سے 3 کانکن جاں بحق

ویب ڈیسک

21st Nov, 2021. 01:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہرنائی میں مسلح افراد کی فائرنگ سے 3 کانکن جاں بحق

ہرنائی میں نامعلوم مسلح افراد نے فائرنگ کرکے کوئلے کی کان میں کام کرنے والے 3 مزدوروں کو قتل کردیا۔

بول نیوز کے مطابق بلوچستان کے ضلع ہرنائی میں شاہرگ کے علاقے جھالاوان میں مسلح افراد کوئلے کی کان کے قریب مزدوروں پر فائرنگ کرکے فرار ہوگئے۔ فائرنگ کے نتیجے میں 3 کان کن موقع پر ہی جاں بحق ہوگئے۔ لیویز حکام کا کہنا ہے کہ واقعے کے بعد حملہ آوروں کی تلاش کے لئے علاقے میں سرچ آپریشن جاری ہے۔

ڈپٹی کمشنر ہرنائی کا کہنا ہے کہ جاں بحق مزدوروں کی شناخت میں جمعہ خان ولد اخترمحمد ،رحمت اللہ ولد عبدالہادی اور عزت اللہ ولد محمد یعقوب کے ناموں سے ہوئی ہے۔ جاں بحق ہونے والے تینوں کانکن افغان شہری تھے اور ان کا تعلق افغان صوبہ قندھار سے ہے۔ لاشوں کو رول ہیلتھ سنٹر شاہرگ منتقل کردیا گیا ہے، جہاں ضابطے کی کارروائی کے بعد میتیں ورثاء کے حوالے کردی جائیں گی۔

واضح رہے کہ بلوچستان میں کانکنوں کو نشانہ بنانے کی وارداتوں میں اضافہ دیکھا جارہا ہے۔ رواں برس 3 جنوری کو مچھ میں 11 کانکنوں کو قتل کیا گیا تھا جس کی ذمہ داری کالعدم داعش نے قبول کی تھی ، اس کے علاوہ اگست میں بھی مارواڑ کے علاقے میں ایک ہی روز فائرنگ کے 2 الگ واقعات میں 3 کانکن جاں بحق ہوگئے تھے۔