بالی ووڈ کے معروف اداکار سنجے دت عرف سنجو بابا کی بیٹی تریشالا  نے اپنی خواہش کا اظہار کر دیا۔

 غیر ملکی خبر رساں ادارے کے مطابق اداکار سنجے دت کی بیٹی تریشالا  کا کہنا ہے کہ خواہش ہے میری شادی ہوجائے لیکن ابھی مجھے کوئی ایسا جینٹل مین نہیں ملا جو مجھے پیار،عزت دے اور خوش رکھ سکے۔

تریشالا نے انسٹاگرام پر سوال وجواب کے سیشن میں اپنی شادی کے حوالے سے  بتاتے ہوئے کہا کہ میں کسی جینٹل مین کی تلاش میں ہوں۔

انہوں نے کہا کہ جیسے ہی کوئی ایسا شخص مل جائے گا جو مجھے پیار، عزت اور خوشی دے سکے تو میں اس سے شادی کرلوں گی۔

تریشالا نے مداح کے ڈیٹ سے متعلق سوال کے جواب میں کہا کہ عمر کے اس حصے میں کسی سے ڈیٹ کرنے کا نقصان ہی ہے فائدہ نہیں۔

سنجے دت کی بیٹی تریشالا  کا مزید کہنا تھا کہ سال 2021 میں جو لوگ سنگل ہیں ان کیلئے شادی کی منصوبہ بندی کرنا بہت مشکل ہے۔

 تاہم جیسے ہی کوئی جینٹل مین ملا تو وہ اس کو اپنا جیون ساتھی چن لیں گی۔

 تریشالا نے وضاحت کی کہ جینٹل مین سے مراد ایسا شخص ہے جو ان کو عزت کے ساتھ رکھے، وہ پیار بھی کرے اور ان کو خوش بھی رکھے۔

یاد رہے کہ تریشالا دت بھارتی اداکار سنجے دت اور ریچا شرما کی بیٹی ہیں۔ واضح رہے کہ ریچا شرما سنجے دت کی پہلی بیوی تھیں جو کینسر کی وجہ سے 1996 میں انتقال کرگئی تھیں۔