غیر ملکی سرمایہ کاری کو راغب کرنے میں حائل تمام رکاوٹوں کو دور کیا جائے گا، مشیر خزانہ

وریشہ مسعود

25th Nov, 2021. 08:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

غیر ملکی سرمایہ کاری کو راغب کرنے میں حائل تمام رکاوٹوں کو دور کیا جائے گا، مشیر خزانہ
وزیراعظم اور سعودی ولی عہد کی ملاقات، پاک سعودی اقتصادی تعاون کے نئے فریم ورک پر اتفاق
وزیراعظم آزاد کشمیر کو مستعفی ہونے کا پیغام، پیپلز پارٹی نے آج کی مہلت دے دی
سول اسپتال حیدرآباد میں جعلی چیکس کے ذریعے کروڑوں روپے نکالے جانے کا انکشاف

Now Reading:

غیر ملکی سرمایہ کاری کو راغب کرنے میں حائل تمام رکاوٹوں کو دور کیا جائے گا، مشیر خزانہ

مشیر خزانہ شوکت ترین نے کہا ہے کہ غیر ملکی سرمایہ کاری کو راغب کرنے میں حائل تمام رکاوٹوں کو دور کیا جائے گا۔

شوکت ترین سے وئیون گروپ کے چیف ایگزیکٹو آفیسر کان ترزیوگلو کی ملاقات ہوئی جس میں سی ای او وئیون نے ٹیکنالوجی کے بہتر استعمال کے لئے اقدامات سمیت پاکستان میں ڈیٹا کی اہمیت پر روشنی ڈالی۔

اس موقع پر وئیون گروپ کے چیف ایگزیکٹو آفیسر کان ترزیوگلو نے مشیر خزانہ کو کمپنی کے آپریشنز اور خدمات کی فراہمی کے بارے میں بریفنگ دی۔

کان ترزیوگلو نے کہا کہ کمپنی ٹیکنالوجی پر مبنی خدمات کے ذریعے طرز زندگی کو تبدیل کر رہی ہے، ٹیکنالوجی سے دنیا کی سب سے تیزی سے ابھرتی ہوئی مارکیٹوں میں مواقع پیدا ہوئے ہیں۔

ملاقات میں مشیر خزانہ شوکت ترین نے کہا کہ حکومت ملک میں غیر ملکی سرمایہ کاری کا خیرمقدم کرتی ہے۔

شوکت ترین نے کہا کہ سرمایہ کاروں کی سہولت کے لئے متعدد اقدامات کیے جا رہے ہیں، غیر ملکی سرمایہ کاری کو راغب کرنے میں حائل تمام رکاوٹوں کو دور کیا جائے گا۔

مشیر خزانہ شوکت ترین کا مزید کہنا تھا کہ انفارمیشن ٹیکنالوجی اور ٹیلی کمیونیکیشن کا شعبہ اقتصادی ترقی میں کلیدی کردار ادا کر سکتا ہے، مزید تعاون اور تعاون بڑھانے کے لیے ایک جامع روڈ میپ کا اشتراک کیا جا سکتا ہے۔