معروف بالی ووڈ اداکارہ شلپا شیٹھی اور ان کے شوہر راج کندرا ایک بار بھر مشکل کا شکار ہو گئے ہیں۔
غیر ملکی خبر رساں ادارے کے مطابق ممبئی پولیس اسٹیشن میں اداکارہ شلپا شیٹھی، ان کے شوہر راج کندرا اور دوسرے چند افراد کے خلاف 1.51 کروڑ بھارتی روپے کی دھوکا دہی کے الزام میں مقدمہ درج کیا گیا ہے۔
رپورٹ کے مطابق، شکایت کنندہ نے دعویٰ کیا کہ کاشف خان، شلپا شیٹھی، راج کندرا، اور دیگر نے اس سے رابطہ کیا اور اسے منافع کے وعدے کے ساتھ فٹنس پروگرام میں رقم لگانے کے لیے راضی کیا۔
تاہم جو ہوا وہ اس کے برعکس تھا اور نتیجتاً اسے دھمکیاں دی گئیں۔
یاد رہے کہ شکایت کنندہ نے ٹی وی چینل کے ایم ڈی کاشف خان پر معاہدے کی خلاف ورزی اور دھوکا دہی کا الزام لگایا ہے۔
فلحال ابھی تک کاشف خان، شلپا شیٹھی، راج کندرا، اور دیگر میں سے کسی نے بھی اس حوالے سے کوئی وضاحت پیش نہیں کی ہے۔
واضح رہے کہ راج کندرا پہلے ہی پورنوگرافی کیس میں دو ماہ قید میں رہ چکے ہیں اور فی الحال ضمانت پر باہر ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News