ملک میں مہنگائی کی شرح میں اضافہ

سعدیہ شمیم

20th Nov, 2021. 11:49 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک میں مہنگائی کی شرح میں اضافہ

ملک میں مہنگائی کی شرح میں دن بہ دن اضافہ ہوتا جا رہا ہے۔

وفاقی ادارہ شماریات نے گزشتہ روز مہنگائی کی ہفتہ وار رپورٹ جاری کردی ہے جس میں بتایا گیا ہے کہ ایک ہفتے کے دوران مہنگائی میں 1.07 فیصد مزید اضافہ ہوا ہے جس کے بعد ملک میں مہنگائی کی مجموعی شرح 18.34 فیصد تک پہنچ گئی، ایک ہفتے میں 27 اشیاء کی قیمتوں میں اضافہ ہوا ہے۔

اعداد و شمار کے مطابق زندہ مرغی اوسط 20 روپے 66 پیسے فی کلو مہنگی ہوئی جبکہ گھی کی فی کلو قیمت میں اوسط 9 روپے پانچ پیسے اضافہ ہوا، دال مونگ دوروپے انسٹھ پیسے فی کلو مہنگی ہوئی، دال ماش دو روپے 43 پیسے فی کلو مہنگی ہوئی، انڈے فی درجن دو روپے 77 پیسے مہنگے ہوئے جبکہ حالیہ ہفتے چائے کا فی کپ 39 پیسے مہنگا ہوا۔

اعداد و شمار کے مطابق حالیہ ہفتے دودھ، دہی، بیف اور مٹن بھی مہنگے ہوئےہیں۔

جبکہ ایک ہفتے میں 10 اشیاء کی قیمتوں میں کمی ہوئی، چینی اوسط چار روپے 24 پیسے فی کلو سستی ہوئی جب کہ ٹماٹر 8 روپے پانچ پیسے فی کلو سستے ہوئے جب کہ ایک ہفتے میں آٹا، ایل پی جی، دال مسور اور پیاز بھی سستے ہوئے ہیں۔

اس کے علاوہ گزشتہ ہفتے میں 14 اشیاء کی قیمتوں میں کوئی ردو بدل نہیں ہوا۔