ملک میں صرف ترقی اور عوامی منصوبوں کی سیاست چلے گی، وزیراعلیٰ پنجاب

اسفا سروت

17th Nov, 2021. 10:24 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک میں صرف ترقی اور عوامی منصوبوں کی سیاست چلے گی، وزیراعلیٰ پنجاب

وزیراعلیٰ پنجاب سردارعثمان بزدار کا کہنا ہے کہ ملک میں صرف ترقی اور عوامی منصوبوں کی سیاست چلے گی۔

انہوں نے اپنے بیان میں کہا کہ بدقسمتی سے پی ڈی ایم میں شامل جماعتوں کے لوگ بصیرت سے عاری ہیں، اس مفاد پرست ٹولے کو عوام کی کوئی پرواہ نہیں ہے۔

عثمان بزدار نے کہا کہ پی ڈی ایم جب سے بنی ہے اُس وقت سے یہ رو رہی ہے اور یہ ٹولہ آئندہ بھی روتا رہے گا۔

ان کا کہنا ہے کہ ناکام اپوزیشن کی قسمت میں صرف ناکامی ہی آئے گی، ملک میں صرف ترقی اور عوامی منصوبوں کی سیاست چلے گی، اپوزیشن 2023 تک صبر اور آرام کرے۔

عثمان بزدار نے کہا کہ عوام کی حمایت سے تحریک انصاف کے مینڈیٹ کے خلاف ہر سازش ناکام بنائی، عوامی ترقی کے راستے میں اپوزیشن کے منفی حربے برداشت نہیں کیے جائیں گے۔

وزیراعلیٰ پنجاب کا کہنا ہے کہ وزیر اعظم عمران خان کی زیر قیادت تحریک انصاف اور اتحادی جماعتیں متحد ہوکر ملک میں استحکام اور ترقی کیلئے کوشاں ہیں۔ اپوزیشن ہر محاذ پر ناکام ہو چکی ہے، اپوزیشن صرف پروپیگنڈا کی ماہر ہے۔

انہوں نے مزید کہا کہ پاکستان کی ناکام ترین اپوزیشن عوام کو گمراہ نہیں کرسکتی، وزیر اعظم عمران خان 22 کروڑ پاکستانیوں کی امید ہیں۔