سابق بھارتی بیٹسمین وی وی ایس لکشمن محمد رضوان کی تعریف کیے بغیر نہ رہ سکے

محمد سلطان

12th Nov, 2021. 10:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سابق بھارتی بیٹسمین وی وی ایس لکشمن محمد رضوان کی تعریف کیے بغیر نہ رہ سکے

سابق بھارتی بیٹسمین وی وی ایس لکشمن بھی پاکستانی بیٹسمین اور وکٹ کیپر محمد رضوان کی شاندار کارکردگی کی تعریف کیے بغیر نہ رہ سکے۔

تفصیلات کے مطابق سابق بھارتی بیٹسمین وی وی ایس لکشمن نے اپنے ایک بیان میں محمد رضوان کی بیماری کے باوجود بھی گزشتہ روز ہونے والےمیچ میں آسٹریلیا کے خلاف شاندار کارکردگی پر کہا ہے کہ’محمد رضوان جرات،عزم اور قوت کی شاندار مثال ہیں‘۔

انہوں نے کہا کہ پاکستان جیتا تونہیں لیکن رضوان کا آئی سی یو سے آکر فائٹنگ اسپرٹ دکھانا متاثرکن ہے۔

وی وی ایس لکشمن نے مزید کہا کہ کھیل ایک استاد ہےجس سے ہر کسی کو سیکھنے کے لیے بہت کچھ ملتا ہے۔

واضح رہے کہ قومی ٹیم کے وکٹ کیپر بیٹسمین محمد رضوان دو روز اسپتال میں داخل رہے وہ آئی سی یو میں تھے ، ٹیم کا مورال ڈاؤن نہ ہو اس وجہ سے کسی کو آگاہ نہ کیا۔

پاکستان کرکٹ ٹیم کے ڈاکٹر نجیب سومرو نے میچ کے بعد کپتان بابر اعظم کے ہمراہ ورچوئل پریس کانفرنس کرتے ہوئے بتایا کہ رضوان میچ سے قبل 9 نومبر کو چیسٹ انفیکشن کے سبب دو روز اسپتال کے آئی سی یو وارڈ میں داخل رہے۔