بالی ووڈ کی معروف اداکارہ  کترینہ کیف کا مطالبہ ہدایتکار روہت شیٹی نےتسلیم کر لیا ہے۔

غیر ملکی خبر رساں اداراے کے مطابق رواں ماہ کے آغاز میں کترینہ کیف اور روہت شیٹی نے مشہور کامیڈی شو میں ایک ساتھ بطور مہمان شرکت کی تھی۔

یہ دونوں اس شو میں اپنی آنے والی فلم ’سوریا ونشی‘ کی پروموشن کے لیے آئے تھے جو کہ پولیس کے مختلف کرداروں پر مبنی ایک فلم ہے۔

اس شو میں کترینہ کیف کی جانب سے فورسز اور پولیس پر متعدد فلمیں بنانے والے ہدایتکار روہت شیٹی سے مطالبہ کیا گیا تھا کہ وہ خاتون اہلکاروں کی زندگی پر بھی فلم بنائیں جس پر حال ہی میں روہت شیٹی نے بات کرتے ہوئے اس مطالبے کو تسلیم کر لیا ہے۔

ہدایتکار روہت شیٹی نے اداکارہ کترینہ کیف کی جانب سے سیکیورٹی فورسز میں کام کرنے والی اہلکار خواتین پر فلم بنانے کا مطالبہ تسلیم کر لیا ہے۔

اس کے علاوہ روہت شیٹی نے بتایا کہ کورونا وائرس کے سبب بہت سی فلمیں ریلیز ہونے کے لیے لائن میں لگی ہیں جیسے جیسے حالات بہتر ہو رہے ہیں اور کورونا وائرس کم ہو رہا ہے فلمیں ریلیز کی جا رہی ہیں۔

انہوں نے بتایا کہ خاتون اہلکاروں کی زندگی پر فلم بنانے کے لیے تیار ہیں مگر اس میں ایک سال یا اس سے بھی زائد کا عرصہ لگ سکتا ہے۔

روہت شیٹی کا مزید کہنا تھا کہ اُن کے پاس اس وقت بہت سے پروجیکٹ لائن اَپ ہیں جو پہلے مکمل کیے جائیں گے پھر وہ کترینہ کیف کا مطالبہ مانتے ہوئے خاتون اہلکاروں پر فلم ضرور بنائیں گے۔