صوبائی وزیر تحفظ ماحولیات محمد رضوان نے گڈوے ٹیکنکل سیمینار میں شرکت کی۔

تفصیلات کے مطابق   سیمینار کااہتمام لاہور کے ایک نجی ہوٹل میں کیا گیا،  70 ای پی سی سولر کمپنیوں بشمول انسٹالرز تقریب کا حصہ تھیں۔

صوبائی وزیر تحفظ ماحولیات محمد رضوان کا کہنا تھا کہ   شمسی توانائی نے ایک مرکزی حیثیت حاصل کرلی ہے۔

ان کا کہنا تھا کہ  2050تک بجلی کے حصول کا بنیادی ذریعہ سولر انرجی بن جائیگا، سولو انرجی تیزی سے آگے بڑھتی ہوئی ہر ملک میں اپنی اہمیت منوا رہی ہے۔

محمد رضوان  کا کہنا تھا کہ  ماحولیاتی آلودگی سے نمٹنے کے ساتھ ساتھ کاربن فوٹ پرنٹس کو کم کرنے میں مدد گار ثابت ہو رہی ،  کم کاربن کی منتقلی کو آسان بنا کر ماحول کو صاف ستھرا رکھنے میں کلیدی کردار ادا کر رہی ہے۔

صوبائی وزیر تحفظ ماحولیات  کا کہنا تھا کہ بڑھتی ہوئی عالمی توانائی کی کھپت اور ڈیکاربونائزیشن کی ضروریات کو پورا کر سکتی ہے۔

صوبائی وزیر کا کہنا تھا کہ   آج شمسی توانائی، فوسل فیول کے مقابلے میں زیادہ سستی ہے۔

صوبائی وزیر نے سولر سسٹمز اور انورٹرز کی محفوظ تنصیبات بارے آگاہی کے اقدام کی تعریف کی۔

محمد رضوان کا کہنا تھا کہ   شمسی توانائی 100% صاف، قابل تجدید توانائی کا وسیلہ ہے۔

ان کا کہنا تھا کہ   بجلی کی پیداوار کے لیے تیل، کوئلے اور قدرتی گیس پر انحصار کو کم کر سکتا ہے۔

صوبائی وزیر تحفظ ماحولیات محمد رضوان نے پاکستان میں شمسی توانائی کو فروغ دینے پر گڈ وی پاکستان ٹیم کا شکریہ ادا کیا اور شرکاء میں اسناد تقسیم کیں۔

سیمینار میں کنٹری منیجر، گڈ وی پاکستان سید سلمان محی الدین نے  بھی  شرکت کی۔