شہری گیس بحران کیلئے ہوجائیں تیار کیونکہ حکومت نے سردیوں کیلئے گیس لوڈ مینجمنٹ پلان کی تجاویز تیار کر لی ہیں۔
تفصیلات کے مطابق پلان منظوری کیلئے آج کابینہ توانائی کمیٹی میں پیش کیا جائے گا جس میں گھریلو، کمرشل صارفین کو سنگین گیس بحران سے بچانے کے اقدامات تجویز کیے گئے ہیں۔
ذرائع کے مطابق سی این جی سیکٹر کو 2 ماہ کیلئے گیس کی فراہمی بند کرنے اور سوائے ایکسپورٹ کے جنرل انڈسٹری کو بھی 2 ماہ کیلئے گیس کی فراہمی بند کرنے کی تجویز دی گئی ہے، کیپٹو پاور کیلئے بھی گیس کی فراہمی بند کرنے کی تجویز ہے۔
ذرائع نے بتایا ہے کہ سوئی ناردرن کی 3 ماہ کیلئے 92 ارب روپے سے زائد کی ایل این جی اور دسمبر میں 361 ایم ایم سی ایف ڈی ایل این جی گھریلو,کمرشل شعبے کو دینے کی تجویز ہے۔
ذرائع کا کہنا ہے کہ جنوری میں 575 ایم ایم سی ایف ڈی ایل این جی اور فروری میں 332 ایم ایم سی ایف ڈی ایل این جی گھریلو اور کمرشل شعبے کو منتقل کرنے کی تجویز ہے۔
Advertisement
واضح رہے کہ دسمبر 2021 میں 592 ایم ایم سی ایف ڈی گیس کی قلت کا تخمینہ ہے اور جنوری 2022 میں 772 ایم ایم سی ایف ڈی گیس کی قلت کا تخمینہ ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
