سردیوں کے موسم میں مچھلی اور چکن کے مزیدار سوپ ہر کوئی پینا پسند کرتا ہے کیونکہ اس سے جسم میں گرمائش پیدا ہوتی ہے اور نزلہ زکام بھی کنٹرول میں آجاتا ہے لیکن ان دونوں کو ایک ساتھ کھانے سے ایک اور بڑا فائدہ ہوتا ہے۔

مچھلی میں اومیگا تھری فیٹی ایسڈز پائے جاتے ہیں جو کہ جسم کی چربی کو گھٹانے اور دل کی خطرناک بیماریوں سے بچانے کا کام کرتے ہیں۔

اگر سردی میں چکن اور مچھلی دونوں کو ایک ساتھ کھایا جائے تو آپ کے گھٹنوں اور ہڈیوں میں درد نہیں ہوتا، جسم کا مدافعتی نظام اچھا ہو جاتا ہے۔

اس کے علاوہ یہ وائرل انفیکشن سے بھی بچاتا ہے اور ساتھ ہی سردی سے ہونے والی خراب جلد کو صاف اور بالوں کو خُشکی سے پاک بنانے میں مدد کرتا ہے۔

اگر بات کریں چکن کی تو یہ پروٹین کے حصول کا اہم ذریعہ ہے جو ہڈیوں کو مضبوط بنانے میں مدد دیتا ہے اور اس میں موجود امینو ایسڈ ٹرائیپتھون ہمارے جسم کو سکون پہنچاتے ہیں ۔

 چکن کو کھانے سے دماغ میں سیروٹونین نامی کیمیکل کی مقدار بھی بڑھ جاتی ہے جس سے آپ کے مزاج پر خوشگوار اثرات مرتب ہوتے ہیں۔

 چکن میں موجود وٹامن بی سکس ، پیرا ڈائی آکسین میٹابولک سسٹم کو تیز بناتے ہیں اور جسم کو مختلف قسم کے وائرل سے بچانے میں بھی مدد دیتے ہیں۔