سربراہ پاک سر زمین پارٹی سید مصطفیٰ کمال کا کہنا ہے کہ کسی قوم کو تباہ کرنا ہے تو اس سے اس کی امید چھین لو، پاکستان آج مایوسی کا شکار ہے۔

کورنگی جنرل ورکرز اجلاس سے خطاب کرتے ہوئے مصطفیٰ کلام نے کہا کہ پاکستان پر ایسا وقت کبھی نہیں آیا تھا جیسا اب ہے، ہمارے حکمرانوں کے جھوٹ کی وجہ سے لوگوں میں مایوسی پھیل رہی ہے۔

مصطفیٰ کمال نے کہا کہ کراچی شہر پورے پاکستان کو پالنے والا شھر ہے، آج کراچی سسک رہا ہے، دنیا چاند پر جا رہی ہے اور ہمارے ہاں گٹر پر ڈھکن اور کچرا اٹھانے والا کوئی نہیں ہے ۔

سربراہ پی ایس پی کا کہنا تھا کہ آج کی مجھے فکر نہیں مجہھے تو کل کی پریشانی لاحق ہے۔ اگر کسی ملک، برادری یا قبیلے کا سربراہ غلط راہ پر نکل جائے اور اس کے ساتھ جڑے ہوئے لوگ نہ روکیں تو پھر پوری قوم پر عذاب نازل ہوتا ہے ۔

ان کا کہنا تھا کہ ہم تمام چیزوں کو دیکھ رہے ہیں لیکن اس کے باوجود بھی ہم کچھ نہیں کر رہے کیونکہ ہم کہتے ہیں کہ سیاست ہمارا کام نہیں ہے ۔

انہوں نے کہا کہ ہسپتال میں دوائیاں، کچرا اٹھانے اور پینے کا صاف پانی فراہم کرنے کے لیے اللہ پاک فرشتے نہیں بھیجیں گے۔

مصطفیٰ کمال نے کہا کہ ووٹ تو ڈالتے ہیں لیکن مسئلہ کیوں حل نہیں ہو رہا؟ آج کے ظالم حکمران ہم پر اور مظلوموں پر امتحان ہیں، میرا ایمان ہے کہ رب مدد کرتا ہے اور کر رہا ہے، ہم نے اس شہر کے فروعونوں کو نیست نابوت ہوتے دیکھا ہے۔

ان کا مزید کہنا تھا کہ اس شہر سے بائیس بائیس لاشیں ملتی تھی آج امن ہ، ہم اپنا پلاٹ چھڑوانے نہیں آئے، یہاں روزانہ لاشیں ملتی تھیں، نشے میں دھت لوگ اس قوم کا مستقبل تباہ کر رہے تھے ہم نے حق کی آواز لگائی۔

مصطفیٰ کمال نے مزید کہا کہ صرف دو لوگوں نے پی ایس پی کو بنایا تھا آج لاکھوں لوگ ہمارے ساتھ ہیں ، کوئی ایسی جیتنے والی پارٹی نہیں ہے جو ہمیں بلاتی ہو اور عہدے کی آفر کرتی ہو ۔ میں مہاجروں کے نام پر سیاست نہیں کر رہا، لیڈر کا کام اپنے قوم کے راستوں سے کانٹے چننا ہوتا ہے۔