 
                                                      ہاتھی
کراچی کے شہریوں کے ساتھ بہت بڑا دھوکا ہوگیا، بلدیہ عظمی کراچی کے سفاری پارک میں موجود ہاتھی ہتھنی نکلی۔
تفصیلات کے مطابق بلدیہ عظمی کراچی کے سفاری پارک میں موجود “سونو” کو انتظامیہ عرصہ دراز سے ہاتھی سمجھ رہی تھی لیکن بین الاقوامی ماہرین کی جانب سے میڈیکل چیک اپ کے دوران انکشاف ہوا کہ یہ ہاتھی نہیں ہے۔
جانوروں کی بین الاقوامی تنظیم ’فور پاز‘ کا ایک وفد سفاری پارک میں موجود ہاتھیوں کے معائنے کے لئے آیا تھا اور سفاری پارک کے دونوں ہاتھیوں کی الٹرا ساؤنڈ رپورٹ سامنے آئی تو انکشاف ہوا کہ دونوں ہی ہتھنیاں ہیں۔
غیر ملکی ماہرین کی ٹیم نے سفاری پارک میں گزشتہ 10 سال سے موجود سونو ، ملکہ کا معائنہ کیا اور ان کی رہائشی جگہ اور کھانے پینے کی اشیاء کا معائنہ کیا ، ماہرین کی ٹیم نے ہاتھیوں کا طبی معائنہ بھی کیا جس میں ایکسرے اور الٹرا ساؤنڈ بھی شامل تھا۔
بعد ازاں غیر ملکی ماہرین کی ٹیم نے سفاری پارک میں موجود سونو اور ملکہ کی صحت کو بہتر قرار دیا تاہم ہاتھیوں کو فراہم کردہ ماحول کو بدترین قرار دیا۔
سفاری پارک میں موجود دونوں ہاتھی 11 برس قبل تنزانیہ سے لائے گئے تھے ، دونوں ہاتھیوں کی عمریں 12 سے 14 سال کے درمیان ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News

 
                                  
                                  
                                  
                                  
                                  
                                  
                                  
                                  
                                 