آسٹریلیا،نامعلوم افراد کی مہاتما گاندھی کے مجسمے کی گردن کاٹنے کی کوشش

ویب ڈیسک

15th Nov, 2021. 09:07 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آسٹریلیا،نامعلوم افراد کی مہاتما گاندھی کے مجسمے کی گردن کاٹنے کی کوشش

آسٹریلیا میں نامعلوم شخص کی جانب سے بھارت کے بانی رہنما مہاتما گاندھی کے مجسمے کے سر کو دھڑ سے الگ کرنے کی کوشش کی گئی ہے۔ جس سے مجسمے کو شدید نقصان پہنچا ہے تاحال ملزمان کی شناخت نہیں ہوسکی ہے۔

بھارتی ذرائع ابلاغ کے مطابق آسٹریلیا کے وزیر اعظم اسکاٹ موریسن نے آسٹریلین انڈین کمیونٹی سینٹر کے باہر گزشتہ روز ہی مہاتما گاندھی کے مجسمے کی نقاب کشائی کی تھی۔

وکٹوریا پولیس نے عوام سے اپیل کی ہے کہ ملزمان کا سراغ لگانے میں مدد کی جائے،جبکہ سی سی ٹی وی فوٹیجز کی مدد سے ملزمان کی تلاش جا رہی ہے۔

آسٹریلوی وزیر اعظم نے کہا ہے کہ آسٹریلیا دنیا میں کثیر ثقافتی اور مہاجرین کا سب سے کامیاب ملک ہے۔ کسی بھی ملک کی قابل قدر شخصیت اور ان کی ثقافت پر حملوں کو برداشت نہیں کیا جائے گا۔

واضح رہے کہ بھارت کے بانی رہنما مہاتما گاندھی کو انتہا پسند ہندو گروہ جن میں موجودہ وزیراعظم نریندر مودی کی جماعت بی جے پی بھی شامل ہے، پسند نہیں کرتے اور مہاتما گاندھی کو بھی ایک انتہا پسند ہندو ناتھو رام گوڈسے نے 1948 کو ان کے گھر پر سب کے سامنے گولی مار کر قتل کیا تھا۔