پی ایس او اور شیل نے ملک بھر میں اپنے کھلے پیٹرول پمپس کی فہرست جاری کردی۔

ملک بھر میں آج پیٹرولیم ڈیلرز ایسوسی ایشن کی جانب سے ہڑتال کی جارہی ہے جس کے باعث ملک کے تمام بڑے شہروں میں پیٹرول پمپس بند ہونے کے باعث عوام کو شدید مشکلات کا سامنا کرنا پڑ رہا ہے۔

پاکستان اسٹیٹ آئل اور شیل کی جانب سے پیٹرولیم ڈیلرز ایسوسی ایشن کی ہڑتال سے لاتعلقی کا اعلان کرتے ہوئے اپنے تمام پیٹرول پمپس کھلے رکھنے کا اعلان کیا گیا تھا۔

 ملک کے مختلف شہروں میں جہاں جہاں پی ایس او اور شیل کے پیٹرول پمپس کھلے ہیں وہاں پیٹرول کے حصول کے لیے عوام کی لمبی قطاریں لگی ہوئی ہیں تاہم پی ایس او اور شیل نے عوام کی آسانی کے لیے اپنے کھلے پیٹرول پمپس کی فہرست جاری کردی۔

پی ایس او کے پیٹرول پمپ کراچی میں ایم ایس 11 کورنگی کراچی، مین کورنگی روڈ، کلفٹن روڈ، عبداللہ شاہ غازی کلفٹن، مین خیابان اتحاد، ایس ڈی/2 بلاک اے کے ڈی اے اسکیم نمبر 2 نارتھ ناظم آباد، اور کے ڈی اے ورکشاپ شاہراہ فیصل شامل ہیں۔

پاکستان اسٹیٹ آئل کی جانب سے جاری فہرست میں یہ بھی بتایا گیا کہ کراچی کے علاوہ،  پشاور، راولپنڈی، ملتان، فیصل آباد، سکھر اور کوئٹہ میں مختلف مقامات پر ہمارے پیٹرول پمپس کھلے ہیں۔

شیل کی جانب سے جاری کی گئی فہرست میں کہا گیا کہ ہمارے پیٹرول پمس کراچی کے علاوہ لاہور، پشاور، اسلام آباد، راولپنڈی، ملتان، جہلم، فیصل آباد اور مظفر گڑھ کے مختلف پیٹرول پمپس کھلے ہیں۔