زہریلی اسموگ، بھارت میں تعلیمی ادارے اور تعمیراتی شعبے بند کردیے گئے

ویب ڈیسک

13th Nov, 2021. 08:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

زہریلی اسموگ، بھارت میں تعلیمی ادارے اور تعمیراتی شعبے بند کردیے گئے

بھارت کے شہر نئی دہلی میں زہریلی اسموگ کی وجہ سے تعلیمی اداروں اور تعمیراتی شبعوں کو بند کردیا گیاجبکہ سرکاری ملازمین کو گھر سے کام کرنے کی ہدایت جاری کردی گئی ہے۔

رپورٹ کے مطابق نئی دہلی کے وزیر اعلیٰ اروند کجریوال نے کہا کہ آئندہ 7 روز تک سرکاری ملازمین گھر سے کام کریں گے۔

وفاقی آلودگی کنٹرول بورڈ کے مطابق اسموگ کے سبب حد نگاہ انتہائی کم ہوگئی ہے جبکہ ایئر کوالٹی انڈیکس (اے کیو آئی)500 کے اسکیل پر 461 ہے۔

آلودگی کی اس سطح کا مطلب ہے کہ نہ صرف بیماریوں میں مبتلا افراد اس سے شدید متاثر ہوں گے بلکہ صحت مند لوگوں کے متاثر ہونے کا بھی بہت زیادہ خطرہ موجود ہے۔

زہریلے پی ایم 2.5 ذرات کا ارتکاز اوسطاً 329 مائیکروگرام فی مکعب میٹر ہوا ہے جبکہ 24 گھنٹے کی مدت میں زہریلے پی ایم 2.5 ذرات 60 مائیکروگرام فی کیوبک میٹر ہوا میں محفوظ تصور کیے جاتے ہیں۔

پی ایم 2.5 اتنے چھوٹے ذرات ہوتے ہیں کہ خون کے دھارے میں داخل ہو کر پھیپھڑوں میں گہرائی تک سفر کرسکتے ہیں جو کہ پھیپھڑوں کے کینسر سمیت سانس کی شدید بیماریوں کا سبب بن سکتا ہے۔