ایتھوپیا کی حکومت نے امریکہ اور اس کی تنظیموں کو انتباہ کیا ہے کہ وہ ملک کی موجودہ صورتحال کے حوالے سے غلط معلومات پھیلانا بند کریں۔
سرکاری میڈیا نے ریاستی وزیر کیبیدے ڈیسیسا کے حوالے سے بتایا کہ ایتھوپیا کی حکومت نے ادیس ابابا میں امریکی سفارت خانے اور تنظیموں کو ان کی جانب سے مسلسل غلط معلومات پھیلانے کے حوالے سے خبردار کیا ہے ۔
کیبیدے ڈیسیسا کے مطابق امریکی حکومت کی جانب سے اپنے شہریوں کو احتیاط برتنے کی ہدایات جاری ہونے سے ایتھوپین عوام میں خوف و ہراس پیدا ہوتا ہے۔
ایتھوپین وزیر کا یہ بیان امریکی سفارت خانے کی جانب سے ایتھوپیا میں مقیم اپنے شہریوں کو دارالحکومت ادیس ابابا میں ممکنہ دہشت گرد حملوں کے حوالے سے احتیاط برتنے کےایک دن بعد سامنے آیا ہے۔
واضح رہے کہ امریکی حکومت نے بارہا اپنے شہریوں کو مشرقی افریقی ملک میں بڑھتے ہوئے تنازعے پر ملک چھوڑنے کے حوالے سے خبردار کیا تھا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
