پیٹرولیم مصنوعات کی قیمتیں تاریخ کی نئی بلندیوں کو چھو رہی ہیں، حافظ حمداللہ

اسفا سروت

05th Nov, 2021. 12:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پیٹرولیم مصنوعات کی قیمتیں تاریخ کی نئی بلندیوں کو چھو رہی ہیں، حافظ حمداللہ

ترجمان پی ڈی ایم حافظ حمداللہ نے کہا ہے کہ پیٹرولیم مصنوعات کی قیمتیں تاریخ کی نئی بلندیوں کو چھو رہی ہیں۔

تفصیلات کے مطابق پی ڈی ایم نے پیٹرولیم مصنوعات کی قیمتوں میں اضافے کو مسترد کردیا ہے۔

اس حوالے سے حافظ حمداللہ نے کہا کہ عمران خان ریلیف پیکیچ دینے کے بجائے عوام سے پیکج لے رہے ہیں، عوام کی جیبوں پر رات کے اندھیرے میں ڈاکہ ڈالا گیا جو ایک چور اور ڈکیت ہی کرسکتا ہے۔

انہوں نے کہا کہ دشمن کی طرح رات کی تاریکی میں قوم پر پیٹرول بم گروا دیا، قوم کی زندگی کے لئے، کووڈ19 اتنا خطرناک نہیں جتنا کووڈ18 خطرناک ثابت ہوئی۔

ترجمان پی ڈی ایم کا کہنا ہے کہ عمران خان کووڈ کی صورت میں ساڑھے 3 سال سے قوم پرایک مہلک بیماری کی شکل میں مسلط ہے، 2 دن پہلے، وزیراعظم عمران خان تقریر کرتے وہ وزیراعظم نہیں آئی ایم ایف کا ترجمان لگ رہا تھا۔

حافظ حمداللہ نے مزید کہا ہے کہ 3 سال سے ’مسٹربین‘ کے روپ میں مزاحیہ ایکٹنگ جاری ہے، خود تو مسخرہ ہیں اور پوری قوم کو بھی مسخرہ بنا دیا ہے۔