آئی سی سی مینز ٹی ٹوئنٹی ورلڈکپ کے دوسرے سیمی فائنل میں پاکستان کے خلاف آسٹریلوی کرکٹر ڈیوڈ وارنر کے متنازع شاٹ پر سابق بھارتی کرکٹر ہربھجن سنگھ کا ردعمل سامنے آگیا ہے۔
بھارتی میڈیا رپورٹس کے مطابق ہربھجن سنگھ نے اپنے یوٹیوب چینل پر ڈیوڈ وارنر کی متنازع شاٹ پر تبصرہ کرتے ہوئے کہا کہ وارنر کی شاٹ کھیل کے اصولوں کے مطابق تھی لیکن میں نے محسوس کیا کہ وارنر کو اسے جانے دینا چاہیے تھا۔
انہوں نے کہا کہ گرچہ یہ قوانین کے مطابق تھا لیکن اس کے باوجود بھی وارنر کو گیند کو نظرانداز کرنا چاہیے تھا کیونکہ اس سے اچھا پیغام نہیں جاتا۔
ہربھجن سنگھ نے یہ بھی کہا کہ ڈیوڈ وارنر کے اس عمل نے اچھا پیغام نہیں دیا۔
سابق بھارتی کرکٹر ہربھجن سنگھ نے مزید کہا کہ ہمیں بھی ماضی میں ایسا موقع ملا ہے لیکن ہم نے ایسا نہیں کیا جو وارنر نے کیا۔
Advertisement
واضح رہے کہ دو روز قبل کھیلے جانے والے سیمی فائنل کے دوران اوور کرواتے ہوئے حفیظ کے ہاتھ سے گیند پھسل گئی تھی جسے ایمپائر نے نو بال قرار دیا تھا۔
ایمپائر کی جانب سے نو بال قرار دینے کے باوجود بھی ڈیوڈ وارنر نے گیند پر چھکا لگادیا تھا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
