افغان عوام کی معاشی بہتری کیلئے مربوط کوششوں کی ضرورت ہے، آرمی چیف

وریشہ مسعود

19th Nov, 2021. 05:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

افغان عوام کی معاشی بہتری کیلئے مربوط کوششوں کی ضرورت ہے، آرمی چیف

آرمی چیف جنرل قمر جاوید باجوہ نے کہا ہے کہ افغان عوام کی معاشی بہتری کے لئےمربوط کوششوں کی ضرورت ہے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ سے بحرین کی اسپیکر مسز فوزیہ بنت عبداللہ زینال کی ملاقات ہوئی جس میں افغانستان کی حالیہ صورتحال، مختلف شعبوں میں دوطرفہ تعاون پر بات چیت کی گئی۔

آئی ایس پی آر کے مطابق ملاقات میں بحرین کی اسپیکر نے افغان صورتحال میں پاکستان کے کردار کو سراہا جبکہ بارڈر منیجمنٹ اور علاقائی استحکام کےلیے پاکستان کی کوششوں کی بھی تعریف کی۔

اس موقع پر آرمی چیف جنرل قمر جاوید باجوہ نے کہا کہ پاکستان بحرین سے روایتی دو طرفہ روابط برقرار رکھنے، دیرپا و پائیدار تعلقات کا خواہاں ہے۔

آرمی چیف کا کہنا ہے کہ افغان عوام کی معاشی بہتری کے لیے مربوط کوششوں کی ضرورت ہے جبکہ افغانستان میں انسانی بحران سے بچنے کے لیے عالمی اشتراک ضروری ہے۔