نوکیا کا سنگل چارج پر 2 دن تک چلنے والا فون ایکس 100 متعارف

عروبہ خان

11th Nov, 2021. 01:07 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نوکیا کا سنگل چارج پر 2 دن تک چلنے والا فون ایکس 100 متعارف

نوکیا کمپنی کی جانب سے سنگل چارج پر 2 روز تک چلنے والا اسمارٹ فون ایکس 100 متعارف کرادیا گیا ہے جو کہ بنیادی طور پر ایکس 10 پر مبنی ہے۔

نوکیا کا ایکس 100 ایک 5 جی فون ہے جس میں 6.67 انچ کا آئی پی ایس ایل سی ڈی ڈسپلے گوریلا گلاس پروٹیکشن کے ساتھ دیا گیا ہے۔

نوکیا ایکس 100 میں 6 جی بی ریم اور 128 جی بی اسٹوریج موجود ہوگی جس میں مائیکرو ایس ڈی کارڈ سے مزید اضافہ کیا جاسکتا ہے۔

اسی طرح 4470 ایم اے ایچ بیٹری کے بارے میں کمپنی کا دعویٰ ہے کہ وہ سنگل چارج پر 2 دن تک کام کرسکے گی اسکے علاوہ بیٹری کے ساتھ 18 واٹ فاسٹ چارجنگ سپورٹ دی گئی ہے۔

دیگر فیچرز میں وائی فائی 5، بلیو ٹوتھ 5.1، این ایف سی، ہیڈفون جیک، ایف ایم ریڈیو اور 2 مائیکرو فونز دیگر نمایاں فیچرز ہیں۔

نوکیا ایکس 100 میں اینڈرائیڈ 11 آپریٹنگ سسٹم موجود ہے مگر کمپنی کی جانب سے ایکس سیریز کے فونز کے ساتھ کچھ عرصے پہلے 3 سال تک آپریٹنگ سسٹم اور ماہانہ سیکیورٹی اپ ڈیٹس فراہم کرنے کا وعدہ کیا گیا تھا۔

اس فون کی قیمت 252 ڈالرز (43 ہزار پاکستانی روپے سے زائد) سے شروع ہوگی جو کہ فی الحال امریکہ میں فروحت کے لئے پیش کیا گیا ہے۔