فرخ حبیب نے کہا ہے کہ فضل الرحمن سب سے بڑے سیاسی بیروزگار ہے۔

سماجی رابطے کی ویب سائٹ ٹویٹر پر اپنے ایک پیغام میں وزیر مملکت اطلاعات و نشریات فرخ حبیب نے فضل الرحمان کے بیان پر ردعمل دیتے ہوئے کہا کہ ‏فضل الرحمن پچھلے 3 سال میں سب سے بڑے سیاسی بیروزگار ہے جوہر حکومت میں اقتدار کے مزے لیتے رہے ہے۔

فضل الرحمن پچھلے 3 سال میں سب سے بڑے سیاسی بیروزگار ہے جو ہر حکومت میں اقتدار کے مزے لیتے رہے ہے اجلاس کا نتیجہ صفر برائے صفر نکلا۔ آر یا پار والے بری طرح خوار ہورہے ہے۔ PDM کے نام ذاتی مفادات کے تحفظ کے لئے انتشار پھیلانے والے پہلے بھی ناکام ہوئے آئندہ بھی ناکام ہونگے۔

— Farrukh Habib (@FarrukhHabibISF) November 23, 2021

فرخ حبیب نے کہا کہ اجلاس کا نتیجہ صفر برائے صفر نکلا، آر یا پار والے بری طرح خوار ہورہے ہیں۔

 وزیر مملکت اطلاعات و نشریات فرخ حبیب کا مزید کہنا تھا کہ پی ڈی ایم کے نام ذاتی مفادات کے تحفظ کے لئے انتشار پھیلانے والے پہلے بھی ناکام ہوئے آئندہ بھی ناکام ہونگے۔

واضح رہے اس سے قبل اپوزیشن اتحاد پیپلز ڈیموکریٹک موومنٹ (پی ڈی ایم) کے سربراہ مولانا فضل الرحمان نے اسلام آباد میں پی ڈی ایم سربراہی اجلاس کے بعد میڈیا سے گفتگو کرتے ہوئے  کہا تھا کہ میں کے منتخب وزیراعظم سمیت دیگر کے خلاف سازشیں آشکار ہوچکی ہیں۔

مولانا فضل الرحمان نے کہا تھا  کہ قانون کسی ایک ایوان میں پیش کیا جاتا ہے وہاں سے قبول یا مسترد ہوتا ہے، دوسرے ایوان میں بھی قانون مسترد ہوجائے تو مشترکہ اجلاس بلایاجاتا ہے۔

ان کا کہنا تھا  کہ مشترکہ اجلاس میں ایسے قوانین پاس کیے جو کسی ایک ایوان میں بھی پیش نہیں کیے گئے، قوانین کے ذریعے الیکشن کمیشن کے اختیارات پر وار کیا گیا ہے۔ پی ڈی ایم کا سربراہی اجلاس اب 6 دسمبر کو اسلام آباد میں ہوگا۔

پی ڈی ایم سربراہ نے کہا  تھا کہ قوم کا مطالبہ آزاد اور خود مختار الیکشن کمیشن کا ہے، الیکشن کمیشن کے اختیارات کو سمیٹنا کسی صورت قبول نہیں، یہ قانون سازی آئین سے متصادم ہے۔

ان   کا کہناتھا کہ  جعلی حکومت نے ایک کروڑ نوکریوں کا وعدہ کرکے تاریخ کا سب سے بڑا فراڈ کیا اور 50 لاکھ افراد کو نوکریوں سے بیروزگار کردیا ہے۔

پی ڈی ایم سربراہ مولانا فضل الرحمان  کا مزید کہنا تھا کہ اوورسیز پاکستانی جعلی حکومت کے دھوکے میں نہ آئیں، ہم اوورسیز کو پارلیمنٹ میں نمائندگی دینے کے لیے آئینی طور پر کام کریں گے۔