اوپن مارکیٹ میں ڈالر ملک کی تاریخی سطح پر پہنچ گیا، ہفتے کے آخری کاروباری روز انٹر بینک میں دن کے آغاز پر ڈالر کی قدر میں اضافہ دیکھا گیا ہے۔

آج کاروبار کے آغاز پر ہی روپیہ کے مقابلے میں ڈالر تگڑا دیکھا جارہا ہے، ڈالر کی قدر میں 1.42 روپے اضافے کے بعد ڈالر 176 روپے 40 پیسے پر آگئی ہے۔

جبکہ اوپن مارکیٹ میں میں ڈالر 1روپے 50 پیسے اضافے کے بعد 179.5روپے کا ہوگیا ہے۔

گزشتہ کاروباری روز انٹر بینک میں ڈالر 174روپے 98 پیسے پر بند ہوا تھا۔

واضح رہے کہ آئی ایم ایف حکام نے چھٹے جائزے کے مذاکرات کے بعد پاکستان کو ایک ارب 50 لاکھ 90 ہزار ڈالر قرض جاری کرنے کی سفارش کر دی ہے، قرض کی یہ رقم جاری کرنے کا فیصلہ حتمی فیصلہ آئی ایم ایف کا ایگزیکٹو بورڈ کرے گا، نئی قسط کے اجرا سے فراہم کردہ رقم 3 ارب 2 کروڑ 70 لاکھ ڈالر ہو جائے گی۔

بین الاقوامی مانیٹری فنڈ نے کہا ہے کہ پاکستان نے جون تک کے تمام کارکردگی اہداف بڑے مارجن سے پورے کیے،پاکستان نے منی لانڈرنگ اور ٹیرر فنانسنگ کے خلاف پیش رفت کی، کورنا وبا کے خلاف پالیسی اقدامات سے مضبوط معاشی بحالی ہوئی ، آئی ایم ایف کے مطابق رواں سال کے دوران پاکستان کی معاشی ترقی 4 فی صد سےزیادہ اور اگلے سال ساڑھے 4 فیصد رہنے کا امکان ہے۔