اسٹیڈیم کے چوکیدار نے محمد رضوان کو تھپڑ کیوں مارا تھا؟

ویب ڈیسک

24th Nov, 2021. 07:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسٹیڈیم کے چوکیدار نے محمد رضوان کو تھپڑ کیوں مارا تھا؟

قومی کرکٹ ٹیم کے وکٹ کیپر بیٹسمین محمد رضوان نے انکشاف کیا ہے کہ اُنہیں ایک بار کرکٹ گراؤنڈ دیکھنے پر گراؤنڈ کے چوکیدار نے تھپڑ رسید کر دیا تھا۔

تفصیلات کے مطابق پاکستانی وکٹ کیپربلے باز محمد رضوان کا ایک انٹرویو سوشل میڈیا پر خوب وائرل ہو رہا ہے جس میں وہ اپنے کرکٹ کیریئر سے متعلق دلچسپ باتیں بتا رہے ہیں۔

محمد رضوان کا اس انٹرویو میں کہنا ہے کہ یہ بات سب جانتے ہیں کہ اُن کا تعلق کسی بڑے گھرانے سے نہیں بلکہ ایک متوسط طبقے سے ہے، یہی وجہ تھی کہ اُن کے پاس کرکٹ کھیلنے کے لیے سامان بھی نہیں ہوتا تھا۔

اس انٹرویو کے دوران محمد رضوان کی جانب سے اپنے سوشل میڈیا اکاؤنٹس فیس بُک اور انسٹا گرام کی بھی تردید کی گئی، محمد رضوان کا کہنا تھا کہ اُن کا صرف ایک ٹوئٹر اکاؤنٹ ہے۔

انہوں نے اپنے انٹرویو کے دوران ایک پرانا دلچسپ قصہ بھی سُنایا۔

محمد رضوان کا بتانا تھا کہ ’ایک بار وہ کرکٹ گراؤنڈ دیکھنے کی خواہش سے گراؤنڈ چلے گئے تھے، گراؤنڈ میں موجود چوکیدار نے اُن سے پوچھا کہ وہ یہاں کیا کر رہے ہیں؟

اس سوال کے جواب میں اُنہوں نے کہا کہ گراؤنڈ دیکھنے آیا ہوں، اس جواب پر فوراً سے چوکیدار نے اُنہیں پیچھے سے تھپڑ جڑ دیا اور کہا کہ باہر نکل جاؤ گراؤنڈ کے بچے۔‘