روس میں کوئلے کی کان میں آتشزدگی، 52افراد ہلاک

سعدیہ شمیم

26th Nov, 2021. 03:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

روس میں کوئلے کی کان میں آتشزدگی، 52افراد ہلاک

روس کے علاقے سائیبیریا میں کوئلے کی کان میں دھواں بھرنے سے 6 امدادی کارکنوں سمیت کل 52 افراد ہلاک ہو گئے ہیں ۔

جمعرات کو پیش آنے والا یہ واقعہ گزشتہ پانچ برسوں کے دوران ملک میں ہلاکت خیز حادثہ تھا۔

روسی خبررساں ادارے ٹی اے ایس ایس نے اطلاع دی ہے کہ ابتدائی اعداد و شمار کے مطابق کوئلے کی کان میں کوئی بھی زندہ نہیں بچا جبکہ مزید کہا گیا ہے کہ زیادہ تر لاشیں زیر زمین موجود ہیں اور درجہ حرارت اور میتھین کے ارتکاز میں کمی آنے کے بعد انہیں سطح زمین سے اٹھایا جائے گا۔

اس سے قبل یہ اطلاع دی گئی تھی کہ 250 میٹر کی گہرائی میں ہوا کی آمد و رفت کے انتظام میں کوئلے کی دھول میں آگ بھڑکنے اور اس کے نتیجے میں اٹھنے والے دھوئیں کی وجہ سے 11 کان کن ہلاک ہو گئے ہیں ۔

علاقائی حکام کے مطابق 38 افراد کو اسپتال میں داخل کرایا گیا ہے جن میں سے چار کی حالت تشویشناک ہے اور 13 دیگر کو بیرونی مریضوں کا علاج فراہم کیا جارہاہے۔

حادثے کے وقت 285 افراد زیر زمین موجود تھے اور ان میں سے بیشتر کو کان سے باہر نکال لیا گیا تھا۔

روس کے صدر ولادیمیر پوتن نے ہلاک ہونے والوں کے اہل خانہ سے اپنی گہری تعزیت کا اظہار کیا ہے ، کیمیرووو کے علاقے نے جمعہ سے اتوار تک تین روزہ سوگ کا اعلان کیا ہے۔