وفاقی وزیریلوے اعظم خان سواتی کے کم آمدن ملازمین کیلئے ہائوسنگ فنانس فراہم کرنے کا معاہدہ پاکستان ریلوے اور اخوت اسلامک مائیکرو فنانس کے درمیان معاہدے کی تقریب ہوئی۔

 اعظم خان سواتی کا کہنا تھا کہ ریلوے کے کم آمدن ملازمین کو گھر بنانے کیلئے بلاسود قرضہ فراہم کیا جائے گا وفاقی وزیر ریلوے اعظم خان سواتی کا تقریب سےخطاب، ریلوے کے نظام کو جدید نظام کے تحت اپ گریڈ کررہے ہیں ریلوے میں محنت سے کام کرنے والوں کو مکمل سہولیات دی جائیں گی۔

وفاقی وزیر نے کہا کہ ریلوے کے مزدوروں کو گھر بنانے کیلئے بلاسود قرضے دیں گے وزیراعظم کے ویژن کے مطابق کم آمدن طبقے کو ترجیحی بنیادوں پر چھت دی جائے گی پروگرام کے تحت ریلوے کے  مزدوروں  کوگھر بنانے کیلئے قرض دیں گے۔

انکا کہنا تھا کہ  قوم اور ملک کو بتانے کیلئے اور ریلوے ملازمین کو بتانے کیلئے آج تاریخی دن ہے، نئے پاکستان کا مقصد حاصل کرنے کیلئے پسے ہوئے طبقے کو اوپر اٹھانا ہے، وزیر اعظم عمران خان غریبوں کا درد اپنے دل میں رکھتے ہیں، ریلوے میں گھوسٹ اور حاضر نہ ہونے والے ملازمین کے خلاف کاروائی ہوگی۔

انہوں نے مزید کہا کہ  آج پاکستان ریلوے کے مزدوروں کا دن ہے، اخوت اسلامک فنانسنگ کے ذریعے بلاسود اپنا گھر بنانے کیلئے قرض دیا جائے گا اور پاکستان ریلوے اور اخوت کے درمیان اس معاہدے پر دستخط ہونگے۔

چیئرمین اخوت ڈاکٹر امجد ثاقب کا تقریب سے خطاب کرتے ہوئے کہا کہ     اخوت موجودہ حکومت کے ساتھ مل کر محکمہ ریلوے کے ملازمین سمیت پولیس اور قلی حضرات کو بھی قرض دیا جائے گا، ریلوے کے ہر ملازم کو بلاسود قرض اپنا گھر بنانے کیلئے دیا جائے گا۔
امجد ثاقب کا کہنا تھا کہ  اب تک 17 ہزار گھر وزیر اعظم کے کم لاگت ہاؤسنگ پروگرام کے تحت بنائے گئے ہیں، ان گھروں کیلئے حاصل کی گئی رقم کی ریکوری 100 فیصد ہے، سرکاری سطح پر سب سے پہلے ریلوے ملازمین کو بلاسود قرض دیا جارہا ہے۔
انہوں نے مزید کہا کہ اخوت نے مفت اعلی تعلیم کیلئے یونیورسٹی بنائی ہے، ریلوے ملازمین اس یونیورسٹی میں اپنے بچوں کو داخل کراسکتے ہیں، اخوت کی طرف سے کم آمدنی والے افراد کی بہتری کیلئے اپنے مکمل تعاون کا یقین دلاتے ہیں۔