نا زیبا میسجز کا اسکینڈل،آسٹریلوی ٹیسٹ کپتان ٹیم کی قیادت سے دستبردار

ویب ڈیسک

19th Nov, 2021. 10:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نا زیبا میسجز کا اسکینڈل،آسٹریلوی ٹیسٹ کپتان ٹیم کی قیادت سے دستبردار

آسٹریلیا کرکٹ ٹیم کے ٹیسٹ کپتان ٹم پین ٹیم کی قیادت سے دستبردار ہوگئے ہیں۔

آسٹریلیا کے ٹیسٹ کپتان ٹم پین نے پریس کانفرنس کرتے ہوئے بتایا کہ دستبرداری کا فیصلہ مشکل رہا، لیکن میری فیملی، کرکٹ اور میرے لیے اچھا ہے، میرا عمل اس معیار سے نہیں ملتا کہ میں آسٹریلوی ٹیم کی قیادت کروں۔

ٹم پین نے کہاکہ نازیبا پیغامات کے معاملے پر افسوس ہے، فیملی کا سپورٹ کرنے پر شکریہ ادا کرتا ہوں۔

دوسری جانب کرکٹ آسٹریلیا نے کہا ہے کہ ٹم پین ایشیز سیریز میں بحیثیت کھلاڑی دستیاب ہوں گے۔

میڈیا رپورٹس کے مطابق آسٹریلوی ٹیسٹ کپتان ٹم پین کو نا زیبا میسجز کے اسکینڈل کا سامنا ہے، کرکٹ آسٹریلیا نے ان کے خلاف نا زیبا میسجز کرنے کی تحقیقات شروع کر دی ہیں۔

واضح رہے کہ ٹم پین پر 2017 ء کی ایشیز سیریز کے دوران کرکٹ تسمانیہ کی سابق ملازمہ کو نازیبا پیغامات بھیجنے کا الزام ہے۔