زرنش خان کو بابر اعظم کی نقل کرنا مہنگا پڑ گیا

اریبہ نثار

23rd Nov, 2021. 09:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

زرنش خان کو بابر اعظم کی نقل کرنا مہنگا پڑ گیا

پاکستان شوبز انڈسٹری کی اداکارہ زرنش خان کو قومی کرکٹ ٹیم کے کپتان بابر اعظم کی نقل کرنا بہت مہنگا پڑ گیا۔

سوشل میڈیا ایپ انسٹا گرام پر زرنش خان کی ایک ویڈیو وائرل ہو رہی ہے جس میں وہ مداحوں کی جانب سے پوچھے گئے سوالوں کے جوابات دے رہی ہیں۔

اداکارہ زرنش خان سے ایک مداح نے سوال پوچھا کہ وہ ایک ماہ میں کتنا کما لیتی ہیں؟

صارف کی جانب سے کیے جانے والے سوال کا جواب دیتے زرنش خان کا کہنا تھا کہ وہ یہ تو نہیں بتا سکتیں کہ اُن کی ایک ماہ کی کتنی انکم ہے مگر وہ مداحوں اور فالوورز کی سوچ سے کم ہی کماتی ہیں۔

اس ویڈیو کا سوشل میڈیا پر اپلوڈ ہونا ہی تھا کہ انٹرنیٹ صارفین کی جانب سے زرنش خان پر تنقید کی جا رہی ہے کہ انہوں نے بابر اعظم کے جواب کو نقل کیا ہے۔

گزشتہ دونوں قومی کرکٹ ٹیم کے کپتان اور مایہ ناز بلے باز بابر اعظم کی ایک ویڈیو پی سی بی نے ٹوئٹر پر شیئر کی تھی۔

زرنش خان کو بابر اعظم کی نقل کرنے پر تنقید کا سامنا

اس ویڈیو میں بابر اعظم اُن سوالات کے جواب دے رہے تھے جو کہ سرچ انجن گوگل پر اُن کے بارے میں سب سے زیادہ سرچ کیے جاتے ہیں۔

واضح رہے کہ اس دوران بابر اعظم نے کمائی سے متعلق پوچھے گئے سوال کے جواب مُسکراتے ہوئے کہا تھا کہ میں آپ کی سوچ سے کم ہی کما تا ہوں۔